Kêng măng nđaơ, ta ngih Chính phủ, Groi Thủ tướng Rnâng kan Nguyễn Hòa Bình lĕ ƀư tơm Rƀŭn nchră Hội đồng điều phối nkual Tây Nguyên. Jêh 1 năm ƀư tĭng Nghị quyết, hội đồng nkual lĕ geh âk nău ƀư, an âk nău ntrŭnh, trong mkra gay ntrôl hao jêng bah Nkual Tây Nguyên.

Têh hvi GRDP năm 2024 bah nkual Tây Nguyên geh rlău 484 rbăn rmen prăk; GRDP rĭng bôk nuĭh geh 78,5 rkeh prăk/du hê, hao 16% nkôp đah năm 2023. Ta rơh rƀŭn, kruanh ăp n’gor nkual Tây Nguyên lĕ rgop âk nău rgop an hun hao nkual Tây Nguyên tâm năm tât. N’glôn jêh nar pah kan, Groi Thủ tướng rnâng kan Nguyễn Hòa Bình lah rjăp, 6 nău nchrăp ƀư ngih wâl ntung trong dôl ƀư gay boăt nthoi Tây Nguyên đah ăp nkual têh.

Yơn lah aƀaơ mhe geh nău nchrăp ƀư ntung trong Dak Lak-Nhà Trang ngăch ƀư uĕh, hôm ƀa ƀă 5 nău nchrăp ƀư dŭt mbrơi, geh nău nchrăp ƀư mhe an prăk 8%. Groi Thủ tướng đă ăp ntŭk tâm rgop đah ăp nău kan dơi kan gay joi trong dôh rklaih, ntrôl ngăch ƀư nău nchrăp ƀư, ơm mât uĕh ăp nău geh bah nkual Tây Nguyên.