Ôi 6/1, ta Ngih Quốc hội, Ntơm ƀư Rơh rƀŭn tal 41 bah Ủy ban Thường vụ Quốc hội. Ƀư tâm 1 nar n’gul, rơh rƀŭn mbra uănh mĭn tay, an rgop mpeh âk nkô̆ nău khlay. Ủy ban Thường vụ Quốc hội  mbra an rgop nău mpeh nău mbơh rblang, djăt, nkra di dự thảo Luật Công nghiệp công nghệ mrô; dự thảo Luật nău kan (nkra rgâl); dự thảo Luật nkra rgâl, ntop tay du đêt điều bah Luật Quảng cáo; dự thảo Luật nkra rgâl, ntop tay du đêt điều bah Luật Tiêu chuẩn n’hanh quy chuẩn kỹ thuật.

Bah meng nĕ, Ủy ban Thường vụ Quốc hội mbra uănh mĭn, mbơh an Nghị quyết liên tịch ntrŭnh na nê̆ nău ƀư mâp nuĭh ƀon lan bah đại biểu Quốc hội n’hanh đại biểu HĐND; Nghị quyết bah Ủy ban Thường vụ Quốc hội ntrŭnh nău ƀư tĭng ƀon lan ƀư tơm tâm nkô̆ nău ăp ngih pah kan bah Quốc hội, ngih pah kan mpeh tâm Ủy ban Thường vụ Quốc hội, ăp ngih pah kan bah Hội đồng nhân dân ăp gưl. Rơh aơ, Ủy ban Thường vụ Quốc hội an rgop mpeh nău nchrăp Rơh rƀŭn ndal rơh tal 9, Quốc hội khóa 15.