Ôi 6/1, ta Gia Lai, Tổng Bí thư Tô Lâm ƀư tơm rơh pah kan đah mpôl kruanh rđău kan n’gâng tơm bah n’gor mpeh nô nău hun hao wăng sa- rêh jêng kon nuĭh ta n’gor. Tĭng nău mbơh, ăp năm aơ, n’gor Gia Lai hŏ ndăn dŏng uĕh ăp săk geh, dơh uĕh, geh ăp nău dơi khlay, lam lĕ rngôch, mât nâp ntŭk gŭ kan khlay mpeh chính trị, njrăng n’gang neh dak, rnă njrăng; dăp rgum tay wăng sa ntruch hao uĕh, di trong rƀŏng, hun hao rĭng geh 6,21%/năm, têh hvi wăng sa âk rlău 2 tơ̆ rđĭl đah bôk năm kan.

Lôch nchŏng kloh ăp săk geh dơh uĕh ntoh lư bah n’gor, Tổng Bí thư Tô Lâm nkoch kloh nău mĭn bah Đảng, Ngih dak mpeh nău ŭch hun hao ndơ̆ luh an n’gor Gia Lai lah dŭt âk. Tổng Bí thư dăn đă Gia Lai ra uănh tay ăp rnoh tât kan, nău dơn kan, trong nkra ƀư na nê̆, droh rklaih ăp kô̆ yơn n’hanh kol khan hun hao, nsrôih tĭng ƀư ta rnoh dŭt âk ăp rnoh tât kan, nău dơn kan ma Nghị quyết n’gor Đảng bộ tâl XVI hŏ n’gluh. Rgum rđău đă, nchrăp uĕh ăp ndơ gay ƀư geh nău dơi đại hội đảng bộ ăp gưl n’hanh Đại hội n’gor Đảng bộ tâl XVII. Nkhêp geh rnôk dja, Tổng Bí thư Tô Lâm hŏ ndơ̆ jao Trạm y tế kơl an xã Glar, nkuâl Đak Đoa rnoh khlay 5 rmen prăk.