Thủ tướng Chính phủ an gĭt, lôch rnôk n’hao nău tâm boh kan hao trong kan lĕ rngôch jŏ jong, nău tâm boh Việt Nam - Hoa Kỳ geh hun hao lăp tĭng nău kan na nê̆, njêng nău bôk năp nâp nâl an tâm kơl wăng sa, tăch rgâl, ntuh kơl n’hanh tâm kơl ta ăp trong kan êng đah 2 ding. Tâm năm 2024, âk doanh nghiệp têh bâh Hoa Kỳ dăn đă ntuh kơl n’hanh pơk hvi ntuh kơl ta Việt Nam, tâm kơl ntĭm nti, Thủ tướng đă tập đoàn Berggruen Holdings mĭn uănh ntuh kơl ta du đê̆ nău kan dŭt khlăy mpeh văn hóa, lịch sử, ntop mbơh tơih văn hóa Việt Nam tât dak bah dih, gay ma n’gâng kan văñ hóa geh âk nău ueh êng bâh mpôl rnoi Việt Nam geh mpư n’hao lư. Tâm ban ŭch nău đă bâh Thủ tướng Chính phủ, wa Nicolas Berggruen an gĭt, Tập đoàn Berggruen Holdings mbra tâm kơl, ntuh kơl Việt Nam ta trong ntĭm nti rnoh nuĭh kan, năp lor lah kơl an Việt Nam njêng du rnoh prăk gay ma ntuh kơl an hun hao, tâm di đah trong kan hun hao bâh Việt Nam, đah nău dơi kan ma Đảng Cộng sản Việt Nam uănh năl lah nsĭt tay nău rêh ăp nar lơ ma ueh hơm răm đăp mpăn an nuĭh ƀon lan.