Ôi 8/1, Tâm nchră n’glôch jêh pah kan năm 2024, an ƀư nău kan năm 2025 bah Chính phủ n’hanh n’gâng kan ta n’gor hŏ ƀư ta nhih pah kan Chính phủ. Tĭng siƀŭt mbơh, năm 2024, Chính phủ, Thủ tướng Chính phủ hŏ grêt dăch ăp Nghị quyết, n’glôch jêh bah Trung ương Đảng, Quốc hội gay rđău đă, ƀĭt juet di trong rƀŏng, jêng nô nău wăng sa- rêh jêng kon nuĭh dak he dâk hao tay uĕh; geh âk nău dơi ntoh lư ta lĕ rngôch ăp trong kan n’hanh uĕh rlău năm 2023.

Lah ta rnôk tâm nchră, Thủ tướng Phạm Minh Chính lah rjăp, Tâm nchră dŭt rhơn n’hao dơi Tổng Bí thư Tô Lâm tât râng n’hanh rđău đă. Nău lah rđău đă dŭt khlay, dŭt jru tam, lĕ nuih n’hâm n’hanh lam lĕ rngôch bah Tổng Bí thư lah tơm ƀư an nuih n’hâm nđơr, nău ntrŭt nsôr têh kuâng n’hanh lah trong rƀŏng rloh rlău mbro an Chính phủ, ăp gưl, ăp n’gâng kan, ăp n’gor an tĭng ƀư nău dơn kan năm 2025 n’hanh let năp tay. Nkô̆ bôk bah năm 2025 lah “Dơn kan; lor nchrăp năn ngăch; glêh tam; hao đăt ndal”, Chính phủ, Thủ tướng Chính phủ rgum rđău đă tĭng ƀư ăp kôp ăp nghị quyết, n’glôch jêh bah Đảng n’hanh Quốc hội, rgum tâm 3 đăt ndal têh jong, 6 nău dơn kan rgum tơm, 12 rmôt trong nkra tơm n’hanh 185 nău dơn kan na nê̆.