Lah ngoai tâm 10 nau kan ngăn bah Festival kao Đà Lạt năm 2024, tâm công viên Trần Quốc Toản, nkuăl ƀon têh Đà Lạt, UBND n’gor Lâm Đồng hŏ ntrŭnh ƀư mpla n’hơ, mbơh ndrle ƀư kan tăch rgâl ndơ OCOP bah ăp nkuăl. Jŏ tât lơ 30/12 tât, bôk nau kan mbơh 1000 ntil ndơ ueh bah lam dak. Ntŭk mpla mbơh, ƀư nau kan tăch rgâl ndơ OCOP tâm Đà Lạt geh rlau 200 ndơng ndơ.

Ta aơ, rlau 1000 ntil ndơ geh pă săm ƀŭt kơp dơn OCOP ntơm 3-5 sao bah ăp nkuăl bah lam dak, ntil ndơ nkah ueh bah ăp nkuăl geh mbơh tât ƀon lan ndrel bu năch. Tĭng wa Nguyễn Thị Hồng Quyên, Giám đốc Công ty TNHH Cô Ba Chuyên, n’gor Đồng Nai, lah, aơ lah rnôk nkhêp têh gay rmôt kan mbơh ăp ntil ndơ ueh bah nkuăl nơm tât ma nŭih dŏng tâm dak ndrel dak ba dih./.