Aƀaơ, ăp ntŭk tăch ndơ, siêu thị, n’hanh chợ ta nkual ƀon têh Buôn Ma Thuột, n’gor Dak Lak, mông nar Tết hŏ khuh n’gôr. Ăp nuĭh tăch chrai ndơ n’hanh ăp siêu thị hŏ pla tăch ăp ndơ dŏng sa khlay rhŏ dŏng an nuĭh ƀon lan tâm rnôk Tết. Siêu thị Co.opmart Buôn Ma Thuột hŏ rnă ntêm ndơ tăch rhŏ dŏng Tết rnoh khlay rlău 80 rmen prăk, tâm nê ndơ Việt âk tât 90%. Siêu thị dŏng bôk nău kan n’hŭch rnoh khlay hang rbăn ntil ndơ tăch ntơm bah 1/12/2024 tât 28/1/2025. Rmôt ndơ tăch đăp mpăn rnoh khlay 20% lah ăp ntil ndơ sa, ăp ntil ndơ nkret njêng, puăch sŭr ndrôk, kik djăr, biăp play n’hanh ăp ntil ndơ sa ntĭt êng an Tết.

Gay đăp mpăn ntŭk tăch rgâl tâm kêng dŭt năm n’hanh Tết Nguyên đán Ất Tỵ 2025, UBND n’gor Dak Lak hŏ n’gluh an trong nchrăp rnă ntêm ndơ dŏng sa khlay. Aƀaơ, 11 doanh nghiệp têh hŏ nchrăp tơm ndơ tăch rnoh khlay rlău 507 rmen prăk, tŏng nklăp 36,4% nău ŭch geh dŏng ndơ bah nuĭh ƀon  lan. Ăp ntil ndơ đăp mpăn rnoh khlay kơt ndơ sông sa, puăch ka ơm nkret njêng lơi, dak ngi, đường, bột ngọt, bum biăp, n’hanh dak pring.