Ôi 9/1 ta thủ đô Vientiane, dak CHDCND Lào lĕ ƀư rơh rƀŭn rơh tal 47 Ủy ban 2 Chính phủ mpeh kan ndrel ăp ding Việt Nam-Lao yor Thủ tướng Chính phủ Phạm Minh Chính n’hanh Thủ tướng Chính phủ Lào Sonexay Siphandone ndrel ƀư tơm.

Thủ tướng Phạm Minh Chính lah rjăp tâm rnôk mâp âk jêr jŏt, ntŭl rlong, yơn knơm mât uănh jru ntĭm rđău bah 2 Bộ Chính trị, ndrel nsrôih, dŭt n’hâm têh bah Ngih dak, Chính phủ, ăp n’gâng kan, ban, nău kan, ƀon lan, 2 dak lĕ mbơh ƀư rjăp, săk rnglăy ăp Tâm ton gưl prêh, nsĭt tay âk săk rnglăy kan ndrel đah 2 dak, rgop ndrel ndâk njêng jâng wăng sa đăp mpăn, ƀư tơm, rgum lăp lam ntŭr neh jru hvi, ngăn ngên, săk rnglăy, âk săk rnglăy ntoh lư dơi kơp dơn. N’glôn jêh ta rơh rƀŭn, 2 ding nsing nơm nău lôch uĕh bah Rơh rƀŭn mbra geh nuih n’hâm mhe kơl tâm boh kan ndrel đah 2 dak nar lơ hun hao, hăn lăp jru hvi, ngăn ngên, nsing nơm, săk rnglăy, rgop mô rlu nâp nâl tâm boh dăch dêh, tâm rnglăp têh n’hanh kan ndrel lĕ rngôch Việt Nam-Lào tâm năm tât.