Lơ 9/1, Rnâng kan tuyên giáo n’gor uỷ Kon Tum ƀư rƀŭn lôch nau kan báo chí năm 2024 ndrel pă nkhôm nau ndâk njêng Đảng n’gor Kon Tum tal 4 năm 2024. Tĭng nau mbơh, năm 2024 geh rlau 20.500 nau mhe, nau nchih bah ăp ntŭk kan báo chí nchih nkoch tât n’gor Kon Tum. Ndrel ma nau mbơh tŏng, năn ăp nau tât, báo chí kŏ saơ ăp nau nau, nkoch nau ê dơi, jêr, nkol tâm du đê̆ nkual, rmôt kan tâm n’gor. Aơ lah du trong mbơh khlay kơl an nau rđau, đă bah n’gor Kon Tum nar lơn geh săk tam. Ntoh nau tâm nar rƀŭn, wa U Huấn, Groi Bí thư n’gor Kon Tum ŭch:

Năm 2025, báo chí ân geh nau dơi khlay tâm nau nkoch mbơh nau mpeh rđau kan, mât, đă bah ăp gưl kan, ntŭk kan, Đại hội Đảng bộ ăp gưl năm kan 2025-2030, bonh đă lam Đảng, lam ƀon lan, lam tahen nsum n’hâm, nsôih ndrel ƀư ân dơi nau kan rgâl mhe mpeh nau dăp rgum, rtut gleh ntrong kan chính trị. Rnôk aơ, Rnâng kan ƀư nau tâm rlong Búa Liềm vàng n’gor Kon Tum pă 35 nau nkhôm, tâm nê geh 8 giải B; 12 giải C ndrel 15 giải khuyến khích ân ăp rmôt, ăp nŭih geh Giải báo chí ndâk njêng Đảng bah Đảng bộ n’gor Kon Tum tal IV năm 2024./.