Kêng măng 9/1, Thủ tướng PhạmMinh Chính ndrel Thủ tướng Lào Sonexay Siphandone ƀư tơm nar rƀŭn tâm boh ntuh kơl Việt Nam-Lào 2025. Ntoh nau tâm nar rƀŭn, Thủ tướng Phạm Minh Chính lah rjăp, nau tâm boh Việt Nam-Lào lah nau tâm boh ueh ndrel geh nau êng, ndri ma ân geh nau ƀư tâm boh ueh khay, ntơm bah play nuih tât play nuih, ân geh nau kan ndrel nau dơi nsum. Đah nkô̆ ‘Kơl băl kŏ kơt kơl nom’, Thủ tướng kuăl jă ntŭk kan tăch rgâl 2 dak ân geh tâm rnglăp, tâm ban, tâm kơl gay geh nau dơi nsum.

Mpeh săk nơm, Thủ tướng Lào Sonexay Siphandone mbơh tâm rơh tât bar ding mra lŏ doh rklaih ăp nau kol ndrel ntrŭnh ƀư nau kan nkra trong jâng, trong loih, mpông ndrâm dak Vũng Áng, hun hao ăp nau pă ndơ tuch tăm. Thủ tướng Lào ŭch ntŭk kan tăch rgâl bah bar dak lŏ ntuh kơl tăch rgâl ta Lào ndrel Việt Nam, ƀư ueh dơi nau dăng bah 2 ding gay leo tât nau ueh lăng, hơm răm ân ƀon lan ăp dak./.