Măng 9/1, Kruanh dak Lương Cương lĕ tât râng n’hanh ntoh ngơi ta bôk nău ƀư Yan puh dang nkao N’har bri răm rhơn ƀon lan”, dơi ƀư ta xă Pa Tân, nkuăl Sìn Hồ, n’gor Lai Châu. Kruanh dak Lương Cương nkoch nău uĕh n’hanh rhơn rnôk cán bộ, tahen N’har bri lĕ tâm rgop rjăp đah gưl ủy, n’gâng kan ƀon lan ta ntŭk, ăp gưl, ăp nău kan mât uănh tết an nuĭh ƀon lan ta nkual n’har bri; ƀư nuih n’hâm lĕ đah nău kan n’hanh nău rêh uĕh bah Tahen ƀon lan Việt Nam janh dăng.

Kruanh dak Lương Cường đă gưl ủy, n’gâng kan ăp gưl rgum ƀư dơi nău kan năm 2025 ntơm bah bôk năm. Tâm nĕ, Tahen mât njrăng n’har bri lah way mât uănh, tâm rnglăp hăn ndrel tay, ƀư dơi nău kan mât uănh, mât njrăng nâp nâl ƀư tơm neh ntu, rnă njrăng n’har bri ngih dak. Di rơh aơ, Kruanh dak Lương Cường an 200 mlâm jay tâm rnglăp n’har bri khlay 10 rmen prăk an ƀon lan nkual n’har bri n’gor Lai Châu n’hanh an 11 nklâm ndơ an ăp rnăk dơi kơl.