Kêng măng 9/1, ta nkuăl ƀon têh Hồ Chí Minh, Tổng Bí thư Tô Lâm tât râng nar mâp măt, pă nklâm ndơ ân ăp đồng chí cán bộ công an gưl prêh bah ăp rơh. Tổng Bí thư Tô Lâm mbơh, năm 2024, ăp 15 nkô̆ nau ngăn bah hun hao văng sa, rêh jêng bah lam dak kŏ geh dơi ndrel rlet nau nchrăp; tâm nê geh GDP hao rlau 7%, nau dơi văng sa geh bơi tât 500 rmen đôla, n’hao tơm prăk soay bơi tât 2 rkeh rmen.

Tâm nau geh dơi nsum bah neh dak, geh âk nau rgop khlay bah rmôt Công an ƀon lan, ăp đồng chí rđau kan ơm bah Đảng, Ngih dak, n’gâng kan Công an, cán bộ Công an gưl prêh hŏ rlu ranh. Tổng Bí thư lah rjăp, năm Ất Tỵ 2025 geh nau khlay lơn, rlau ma nê, rmôt Công an ƀon lan ân lŏ leo trong tâm nau ƀư ăp nau ntrŭnh bah Đảng, ŭch ăp đồng chí rđau kan ơm, cán bộ Công an ƀon lan bah ăp rơh lŏ ntoh nau dơi, lah nŭih leo trong tâm ntŭk gŭ, nsum n’hâm, ƀư ueh ngăn ăp nau dơi gay ndâk, hun hao ndrel mât neh dak./.