Tâm bôk nău kan “Năm mhe n’har bri, răm nuih n’hâm ƀon lan”, Kruanh dak Lương Cường hŏ tât khâl, mbah rhơn Tết  ta xã Pa Tần, nkuâl Sìn Hồ, n’gor Lai Châu. Kruanh dak Lương Cường rnê âk n’gor, bol hôm âk jêr jŏt, yơn gưl ủy, n’gâng kan, tahen n’hanh ƀon lan n’gor Lai Châu hŏ tâm rnglăp, nsrôih rlău ăp jêr jŏt, ntul rlong, wat jêh ăp rnoh tât kan, ntŭk tât geh hun hao wăng sa, văn hóa, rêh jêng kon nuĭh. Nău rêh bah nuĭh ƀon lan  ta ntŭk dơi rgâl kloh; njrăng n’gang neh dak, rnă njrăng, tâm boh dak bah dih dơi rgâl uĕh n’hanh n’hao dăng.

 Kruanh dak dăn đă gưl ủy, n’gâng kan, ăp gưl, ăp mpôl kan bah n’gor Lai Châu ân rgum rđău đă, đăm gĭt jru gung trong, trong nchrăp bah Đảng, trong kơl, pháp luật bah ngih dak; mât ndray tay, ntik n’hao nău way ơm rŏng dak, rôih dăng, pah kan jan sa đăp dêh, nuih n’hâm tâm yô̆- tâm kơl, dêh rmên năch bah tahen n’hanh ƀon lan n’gor Lai Châu; ntik uĕh suan dăng tâm rnglăp lam rnoi nuĭh, rdâk tay nuih n’hâm nđơr rdâk njêng ƀon tơm uĕh reh, tĭng ƀư geh nău dơi ăp trong leo cách mạng, n’hanh geh nău rêh drăp ndơ, nuih n’hâm bah ƀon lan đah nuih n’hâm “Lam dak nsum ti an nuĭh ach o, mô an geh du hê ntlơi êng bah kơi” n’hanh Trong leo tâm rlong “Jut jăng nhih jay truh sat, nkưp nde” tĭng di nuih n’hâm rđău đă bah Chính phủ n’hanh Thủ tướng Chính phủ.