Wa Nguyễn Thượng Hải, Kruanh Ban Tổ chức N’gor ủy Dak Lak, an gĭt kơp tât lơ 10/1, Ban Tổ chức lĕ dơn geh 7 ntŭk kan dăn rlu ranh ơm bah ăp cán bộ, đảng viên mpeh tâm Ban Thường vụ mât uănh. Dôl uănh, tâm rnoh aơ, geh 2 đồng chí lah Ủy viên Ban Thường vụ N’gor ủy, geh wa H’Lim Niê, Kruanh Ban Tuyên giáo N’gor ủy, n’hanh wa H’Kim Hoa Byă, Kruanh Ban Dân vận N’gor ủy.

Bah meng nĕ , hôm geh wa Rơ Lan Vôn Ga, Bí thư Nkuăl ủy M’Đrắk, n’hanh 3 cán bộ êng lah kruanh, groi kruanh ăp ngih pah kan, ntŭk kan. Tĭng wa Hải, geh tay 3 nuĭh kan êng lĕ n’gluh an nău đah Ban Tổ chức N’gor ủy mpeh nău ƀư sam ƀŭt dăn rlu ranh tĭng nău kơl. Wa Nguyễn Thượng Hải an gĭt tay, ăp ntŭk kan dăn rlu ranh dơi tâm ban ŭch âk, đah nkô̆ nău ăp cán bộ, đảng viên aơ mpŏng ŭch nta an rmôt cán bộ mom hun hao n’hanh têh jêng, nkre ntop kơl trong kan n’hŭch biên chế, dăp tay rmôt ƀĭt joet bah n’gor.