Ôi 13/5, ta Jay Quốc hội, ta nâm nău ƀư tơm bah Groi kruanh rnâng kan Quốc hội Trần Thanh Mẫn, Ủy ban Thường Vụ Quốc Hội ntơm pơk rơh hop tâl 33. Ƀư tâm 3 nar, ta rơh hop 33, Ủy ban Thường Vụ Quốc Hội mĭn uănh, an nău rgop tâm 14 nkô̆ khlay nchrăp an rơh hop tâl 7, Quốc hội khóa 15.

Groi kruanh Rnâng kan Quốc hội Trần Thanh Mẫn lah kloh. Dơn hôm 1 pơh tay đŏng lah ƀư rơh hop tâl 7, Quốc hội khóa 15, tâm rnôk nê rnoh nău kan dŭt âk, yor kơt nê̆, ta rơh hop 33, dăn đă ăp nuĭh kan tâm Ủy ban Thường Vụ Quốc Hội an nău rgop mpeh hồ sơ n’hanh ăp nkô̆ bah tĭng trong nchrăp kan, trong nchrăp Luật, Nghị quyết; tâm nê ƀư kloh ăp trong nchrăp kan, trong tâm nchră hŏ ƀư jêng nău way kơt tĭng ăp trong nchrăp bah Đảng; geh grêt dăch rnoh tât kan, nău mĭn rđău đă rdâk njêng luật, nghị quyết; nău tâm Hiến pháp, nău tâm di pháp luật n’hanh tâm ban ŭch dơn ngoăy đah lam trong kan pháp luật. Groi Kruanh Rnâng kan Quốc Hội Trần Thanh Mẫn dăn đă ăp nhih  pah kan ndăn ngăch ƀư wat jêh nkô̆ mpeh nău dơn kan, ơm njuăl tài liệu gay Đại biểu Quốc Hội gŭ mĭn bah năp  rơh hop tâl 7.