Ôi ntri (2/5), Ban Chấp hành Đảng bộ nkual ƀon têh Hà Nội ntơm pơk Tâm nchră tâl 17, nchră du đêt nkô̆ khlay.

Tâm nê tâm nchră an nău rgop tâm Đề cương nkrum lam siƀŭt mbơh chính trị n’hanh nkô̆, trong rƀŏng Đại hội tâl 18 Đảng bộ Nkual ƀon têh. Rblang mbơh đề cương nkrum lam siƀŭt mbơh chính trị Đại hội đại biểu tâl 18 Đảng bộ Nkual ƀon têh, Groi Bí thư Thành ủy Hà Nội Nguyễn Văn Phong an gĭt, rnôk rdâk njêng đề cương nkrum lam, hŏ djăt na nê̆ ăp siƀŭt rđău đă trong rƀŏng nkô̆ têh ta nghị quyết mbrô 15 bah Bộ Chính trị mpeh trong rƀŏng dơn nău kan hun hao Thủ đô tât năm 2030 uănh ngai tât năm 2045, trong nchrăp luật Thủ đô rgâl nkra n’hanh 2 dăp rgum mpeh Thủ đô. Nkô̆ tơm bah Đề cương nkrum lam lah uănh năl lôch jêh geh tĭng ƀư Nghị quyết Đại hội 17 Đảng bộ nkual ƀon têh (2020 – 2025) n’hanh nău ŭch tât geh nkrum lam; ăp rnoh tât kan tơm, nău dơn kan khlay, rêng đăt ndal n’hanh ăp trong nkra rgum tơm bah Thủ đô lvang năm 05 năm 2025-2030, trong rƀŏng tât năm 2045, uănh ngai tât năm 2065.