Pah kan đah ăp nuĭh tơm bri ta nkuăl Sa Thầy, n’gor Kon Tum, groi Thủ tướng Trần Lưu Quang đă ăp ntŭk kan tơm bri, mpôl kan mât bri mbơh tơih na nê̆ ăp nău jêr, kŏ văk tâm rnôk ƀư tĭng nău kan mât uănh, mât bri ta ntŭk.

Ntoh ngơi ta rơh pah kan, Groi Thủ tướng Trần Lưu Quang ŭch ăp ntŭk kan nsrôih rlet rlău nău jêr jŏt gay ma ƀư tĭng ueh nău kan mât bri. Nchroh mbơh nău duh phang hôm nha geh âk, yor nĕ Groi Thủ tướng Trần Lưu Quang đă ăp ntŭk kan tơm bri ta Sa Thầy, Kon Tum, ntŭk dôl geh mbơh ŭnh sa dŭt hô, an geh rdâk njêng na nê̆ trong kan njrăng rdâng ŭnh sa bri, njrăng ŭnh sa bri tĭng nău tât ndal, uănh aơ lah nău kan tơm khlăy.