Tâm nchră ăp nau kơl an ndrel nau đă nau tâm boh mĭn nau kan tuch tăm đah Việt Nam ndrel Australia, kêng măng 7/5 ta Hà Nội, N’gâng kan tuch tăm ndrel hun hao ƀon lan tâm rgop ma ntŭk kan ntoh măt Australia ta Việt Nam ƀư. Ăp nau tâm nchră ta rơh rƀŭn nchră ndrel nkoch nau blau tă bah nau kan mpeh n’hao nau dơi nchrăp bah ăp nŭih, nŭih kan khoa học ma 2 ding hŏ ndrel ntrŭnh ƀư tâm 3 nkuăl: Tây Bắc, Tây Nguyên ndrel Đồng bằng sông Cửu Long kŏ đă ndrel nau khlay bah nau kan hun hao nŭih kan kơl an nau mĭn njêng khoa học tâm nau kan tuch tăm geh dơi rdâng ma rgâl mhe trôk nar ndrel rklaih nau ntul rlong đah ndơ sa.

N’gâng kan tuch tăm ndrel hun hao ƀon lan Phùng Đức Tiến mbơh, gay rklaih nau ntul rlong rnôk aơ, kơt: mih nar jur khuch, rgâl mhe, duh play neh, n’hao nau ndrih, kŏ kơt lah nau mô tŏng blau bah ăp dak rvăt lăp lơn ma âk, 2 ding ân tâm rgop ngăn gay ndơn năl ăp nau ntul rlong, ndrel rklaih ân nâp./.