A mâu tíu lăm pôu, kăn hnê ngăn kong pơlê Dak Lak hiăng tối rĕng ‘na tơdroăng cheăng kâ rêh ối pơlê pơla dêi kong pơlê tung hơnăm hdrối mê hía nah, mâu tơdroăng pơ’lêh nếo tung tơdroăng xing xoăng pro rế lĕm tíu pêi cheăng ăm tơnêi têa nôkố.

Kăn hnê ngăn kong pơlê hiăng tơmâng xo ƀă khĕn kơdeăn khât mâu hnoăng veăng ‘no dêi mâu kuăn pơlê tiô khôp Phop ƀă tơdroăng kring vế, mơjiâng ƀă mơnhông tơnêi têa ƀă kong pơlê. Kăn hnê ngăn kong pơlê Dak Lak púi vâ tiah kô , ƀă tuăn vâ mơ-eăm dêi mâu ƀok Phop, mâu khôp Phop, Khu ngăn Khôp Phop Việt Nam kong pơlê Dak Lak pơtối ai mâu hnoăng veăng ‘no ki pơxúa, mơdêk tơrŭm môi tuăn dêi rơpó, mơjiâng kong pơlê rế ton rế kro mơdrŏng.