
A mâu rôh trâm, kăn pơkuâ Hô̆i đong ƀă Vi ƀan châu Âu tối rơdêi EU mơnhên tối khât tơrŭm cheăng ƀă Việt Nam ƀă tối rơhêng vâ mơdêk tơrŭm cheăng tâk troh kong têa tơrŭm tung la ngiâ tŭm têk. ‘Na kơxo gum dêi tơrŭm cheăng Việt Nam – EU tung la ngiâ, Ngế pro xiâm hnê ngăn Chin phuh pơkâ thế péa pâ kal tơkŭm tung tơdroăng mơdêk tơrŭm cheăng Việt Nam - EU tâk troh kong têa tơrŭm cheăng tung la ngiâ tŭm têk; pơtối mơdêk tơdroăng kĭ pơkâ Tơkêa EVIPA; ƀă pơkâ thế EC ngăn tah lôi theh trĭng IUU ăm ká xi xŏng Việt Nam.

Kăn pơkuâ Hô̆i đong ƀă Vi ƀan châu Âu môi tuăn tơrŭm mơdêk mâu kơjo gum tơrŭm cheăng pơla péa pâ ki Ngế pro xiâm hnê ngăn Chin phuh tối; tối rơdêi la ngiâ ah kô ai tơ’nôm kong têa tơrŭm cheăng EU kĭ pơkâ EVIPA. Tung pơla tơdroăng lâp plâi tơnêi ƀă tung kơpong ai hên ôh tá tơniăn, péa pâ môi tuăn mơdêk tơrŭm tung hên kơvâ cheăng.
Viết bình luận