Teăng mâ khu kăn pêi cheăng nhoăm diâp 25 kơxu tơmeăm ăm mâu ngế ai hnoăng, rơpŏng ai hnoăng, kăn ƀô̆, kŏng chưk, viên chưk mơngế pêi cheăng a kơpong tíu tơbâ, pôa Tô Lâm tối sôk ro châ lăm pôu pơlê xiâm klăng tro hâi tơbâ 135 hơnăm hâi kot mâ Pôa Hồ Chí Minh vâ hnối tơbâ tơdroăng tŏn nah tơplâ khên tơnôu dêi hdroâng mơngế ƀă chôu pâ mâu hnoăng cheăng pêi ki kân dêi Pôa ƀă pơlê xiâm tơnêi têa ƀă kong pơlê Nghệ An.

Tối tơdroăng cheăng kâ rêh ối pơlê pơla tung kong pơlê tối tơdjuôm ƀă tơdroăng rêh ối dêi mâu kăn ƀô̆  ki pêi cheăng a kơpong tơbâ ôh tá la lâi pơtê  mơdêk tơbrê, mơhé ti mê, Kăn xiâm pơkuâ hnê ngăn Đảng xuân tối, Đảng ƀă Tơnêi têa kô đi đo tơmâng mâu rơpŏng ai hnoăng, rơpŏng kơtiê mâu ngế ai hoăng vâ tơdroăng rêh ối rế tơniăn lĕm tâ ôh tá ai ngế ki lâi tro lôi pá rŏng.