Tơ’mot Tíu mơ’no Rơ’jíu ƀă Um tơvi tơdjuôm ƀă Khu chêh hlá tơbeăng Dak Lak
Thứ tư, 10:00, 04/06/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê hâi lơ 3/6, Ngế pơkuâ cheăng Đảng kong pơlê Dak Lak tơbleăng hlá mơ-éa Pơkâ tơ’mot Tíu mơ’no Rơ’jiu ƀă Um tơvi tơdjuôm ƀă Khu chêh hlá tơbeăng Dak Lak, tiô Pơkâ kơxô̆ 2382 dêi khu kăn Đảng ƀô̆ kong pơlê.
Pôa Trần Văn Hiền châ pôk pro Ngế xiâm ngăn ‘na rah chêh hlá tơbeăng; 5 Phŏ xiâm rah chêh hlá tơbeăng mê cho mâu pôa: Lê Quang Ánh, Lê Minh Thược, Cao Huy Cường, Lê Văn Thế, jâ Đàm Thị Thuần. Tơbleăng a leh tơbleăng pơkâ, Kăn pơkuâ hnê ngăn Đảng kong pơlê Dak Lak pôa Nguyễn Đình Trung tối, tơdroăng tơ’mot vâ rah ối iâ mơngế pêi cheăng, mơdêk pêi cheăng tơƀrê ‘na chêh hlá tơbeăng.
Tiô tơdroăng tơkêa bro, Hlá tơbeăng Dak Lak kô cheăng chêh hên túa hlá tơbeăng, mê cho hlá tơbeăng in, điê̆n tưh, hlá tơbeăng chêh pơchuât ‘no tung rơ’jiu ƀă Um tơvi, ai 9 veăng pêi cheăng kơvâ mê ƀă 188 ngế kăn ƀô̆, xoăng pêi a 45 tơdroăng cheăng thế pêi.
Viết bình luận