VOV.Xơ Đăng - Tơdroăng pơkâ kơxô̆ 80-NQ/TW dêi Khu xiâm ngăn ‘na cheăng kal kí ‘na mơnhông túa lĕm tro Việt Nam vêh mơnhên i hiâm mơno ki khŏm mơ-eăm pơkâ mơ’no túa lĕm tro ƀă tơmeăm khoăng túa lĕm tro mot tung hnoăng cheăng xiâm pêi pro ton xŏn la ngiâ mơnhông tơnêi têa. Ing kơphô̆ troh a mâu pơlê cheăm hdrông kuăn ngo ki iâ mơngế a kơdung ngo Trường Sơn, i hiâm mơno dêi Tơdroăng pơkâ dế lân rơdâ, veăng gum mơhnhôk mơdêk ivá ing tơná túa lĕm tro, mơjiâng chiâng ivá ki kân ăm mơnhông rĕng ƀă krá tơniăn tung hneăng ki nếo.