VOV4.Xơ Đăng - Tơdroăng nếo ai tung tơnêi têa pin babw kong têa ê ai mâu tơdroăng kal xiâm tiah kố:
-Ngế pro xiâm hnê ngăn tơnêi têa veăng Hôp tơbleăng pơkâ ƀă mơhnhôk ‘no liăn cheăng dêi kong pơlê Hưng Yên.
-Jâ Võ Thị Ánh Xuân, Kăn xiâm phŏ hnê ngăn tơnêi têa tơbâ mâu ngế tơplâ khên tơnôu ƀă rơpŏng hnêi mâu ai hnoăng tơnêi têa a kong pơlê Quảng Trị.
-Khu kăn Kuô̆k hô̆i kong pơlê Lâm Đồng lăm pôu ngăn ilâng kiâ mâu ngế hlâ ai hnoăng a Đà Lạt.
-Kong têa Kul ƀă Nhuk mơnhông tơrŭm cheăng tung tŭm tơdroăng cheăng.
-Kăn xiâm hnê ngăn hên kong têa pơtroh rơkong rơkâu troh Kăn xiâm pơkuâ kong têa Iran ki nếo.