VOV.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm kơ’nâi kố:
-Pôa Tô Lâm, Kăn xiâm pơkuâ hnê ngăn Đảng trâm mâ kuăn pơlê pơlê kong kân Hà Nội.
-Pôa Phạm Minh Chính, Ngế pro xiâm hnê ngăn tơnêi têa pơkuâ roh hôp Khu hnê mơhno Tơnêi têa ‘na hbrâ mơdât tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ (IUU).
-Pôa Nguyễn Văn Nên lăm pôu Tíu xiâm Tŏng gum pơlê pơla ƀă vâi hdrêng kong pơlê Dak Lak.
-Việt Nam vêh mơnhên tơkêa tah lôi tơdroăng pháu hnêa krâ trếo tik nik a Khu lâp kong têa.
-Rusi ƀă Mih tơkêa mơdêk tơpui tơno hơniâp lĕm ‘na tơplâ tơplong Ukraina.