VOV.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm kơ’nâi kố:
-Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tơdah pôa Rajnath Singh, Ngế xiâm pơkuâ Gâk kring kong têa Ấn Độ.
-Pôa Trần Thanh Mẫn, Kăn xiâm hnê ngăn Kuô̆k hô̆i pơkuâ Hneăng hôp Khu pơkuâ Đảng ŭi Kuô̆k hô̆i.
-Gia Lai mơdêk ki dâi lĕm khu kăn ƀô̆.
-Pôa Vladimir Putin, Kăn xiâm pơkuâ kong têa Rusi lăm pôu păng ‘nâng kong têa Sinuâ.
-7 kong têa ai tơdroăng cheăng mơnhông mơdêk môi tuăn pêi cheăng vâ tơpui ƀă pêi pro tơdroăng ki hía ôh tá tơdâng tơ’mô cheăng kâ lâp plâi tơnêi.