VOV.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm kơ’nâi kố:
-Pôa Lương Cường, Kăn xiâm hnê ngăn tơnêi têa pơkuâ roh hôp tơpui tơno tơdroăng pêi cheăng ƀă Ƀơrô Kăn xiâm hnê ngăn tơnêi têa.
-Lâp tơnêi têa veăng tơlo lối 2.088 rơtal liăn kum kuăn pơlê rơnêu kế tơmeăm khoăng xua kong mêi têa kân lân lu.
-Lâm Đồng thâ rơnêu mâu tíu tơhnah tơhnâp mâu troăng văng klêi kơ’nâi kong mêi têa kân lân lu.
-Hneăng hôp Râ kăn xiâm Khu tơrŭm Châu Phi – Khu tơrŭm Châu Âu tối rơdêi tơkêa tơdjuôm ƀă chuh ngiah hên troăng ƀă tơdroăng mơ-eăm hơniâp lĕm lâp plâi tơnêi.
-Mâu khu ki ối tung dế tơleăng tơdroăng hôp a Ejiptô tơpui tơno ‘na môi tuăn pơtê tơpĕng Gaza.