VOV.Xơ Đăng – Mâu tơdroăng kal xiâm tung tơnêi têa pin:
-Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơtế ƀă Khu kăn Kuô̆k hô̆i Hà Nội pêi cheăng ƀă pơlê kong kân hdrối hneăng hôp má 2, Kuô̆k hô̆i hneăng 16.
-Pôa Trần Thanh Mẫn, Kăn xiâm hnê ngăn Kuô̆k hô̆i tơdah Kăn xiâm hnê ngăn Đảng Nhân yân Kăch măng Lếo.
-Khu xiâm pơkuâ ngăn lêng mâu kong pơlê Dak Lak, Quảng Ngãi tí tăng, tơkŭm kơxêng kiâ mố đô̆i ƀă mâu tơmeăm.
-Chin phuh Mih tŏng kum mơngế chó chêng tơvê kŏng a Gia Lai ƀă Quảng Ngãi.
-‘’Hơmuăn tơdroăng pơlê pơla rơhêng vâ ‘nâi plĕng’’ a mơ’nui tơdroăng nếo ai, tối ‘na hôp tơno tơdroăng kal mơgêi Tơdroăng Droh rơtăm pleăng hnoăng cheăng rơnó pơtê ƀă Tơdroăng pêi cheăng 44 hâi măng ‘’Droh rơtăm Dak Lak djâ troăng ahdrối xúa kŏng ngê̆ hyôh măng kơxô̆.