VOV4.Xơ Đăng – Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố:
-Hâi kố, Leh tơbâ 80 hơnăm mơjiâng Khu lêng kuăn pơlê Việt Nam tơkŭm po a Tíu xiâm Hneăng hôp Tơnêi têa Hà Nội.
-Pôa Tô Lâm, Kăn xiâm pơkuâ hnê ngăn Đảng pơkuâ hneăng hôp lâp tơnêi têa ‘na tơdroăng mơnhên ngăn, séa ngăn, tơdroăng pơkâ thế rak vế dêi Đảng.
-Pôa Phạm Minh Chính, Ngế pro xiâm hnê ngăn tơnêi têa veăng Mơđah tơbleăng hnoăng gâk kring rak tơnêi têa lâp plâi tơnêi Việt Nam.
-Khu râ kăn pơkuâ kong pơlê Kon Tum rơkâu kuăn khôp Pâ Xeăng roh Pâ Xeăng chu chiâng kuăn mơngế.
-Rusi ối a ko châu Âu ‘na tơdroăng cheăng kâ.
-Ngế pro xiâm hnê ngăn kong têa Hungary hbrâ rơnáu tơpui tơno ƀă Kăn xiâm pơkuâ kong têa Ukraina.