VOV.Xơ Đăng - Mâu tơdroăng kal xiâm tung tơnêi têa pin ƀă kong têa ê ai mâu tơdroăng kal xiâm kơ’nâi kố:
-Klăng roh leh tơbâ 80 hơnăm Kăch măng Khế tơheăm ƀă Hâi mơjiâng tơnêi têa lơ 2/9, Khu xiâm kal kí pơkâ diâp 100.000 liăn ăm tâi tâng kuăn pơlê.
-Pôa Phạm Minh Chính, Ngế pro xiâm hnê ngăn tơnêi têa pơkuâ veăng tơpui mơ-éa chêh hdrối ki kal ƀă tơdroăng tơkêa bro mơngế pêi cheăng râ kăn pơkuâ hnê ngăn cheăng Đảng Hải Phòng, Quảng Ngãi.
-Gia Lai kheăn kơdeăn 62 ngế ki má môi ‘’Rơkê pơtâng tối mơhnhôk kuăn pơlê’’.
-Leh tơbâ Hâi mơjiâng tơnêi têa Kŏng hoa xah hô̆i chuh ngiah Việt Nam a Kŏng hoa Séc.
-Rusi mơnhên roh lăm pôu pêi cheăng dêi pôa Putin, Kăn xiâm pơkuâ kong têa Rusi troh a kong têa Sinuâ.