Tơ̆ âu, lơ kang ƀô̆ anih jang pơgang hlôi tơroi dôm tơdrong ưh kơ ‘lơ̆ng kăl kơ jăh đei hơmet pơ ‘lơ̆ng. Mĭnh lơ̆m dôm tơdrong kăl ‘noh jĭ tơdrong hiơ̆ kơ kla jên khăm hơmet jĭ hăm ƀao hiêm pơgang yak hloh tơchĕng jô̆ hơdrol. Ƀok Nguyễn Đăng Giáp, Kơdră vei lăng Hnam pơgang Đa khoa tơring Tây Nguyên roi tơbăt, hnam pơgang hlôi yak hloh tơchĕng jô̆ hơdrol hloh 54 ti hlak jên mă lei truh dang ei tam mă đei kla ăn, pơm ăn lơ mơmat tat. Ƀok apĭnh kăl kơ tơplih trong jang dăh mă ăn phep iŏk hơdrol.

‘Ngoăih kơ ‘noh, lơ nơ̆r tơgop tơƀôh đon tơtăm tơdrong tơmơ̆t hơdai xăh, apŭng gô ƀơm ưh kơ ‘lơ̆ng truh tơdrong jang đơ̆ng khŭl jang pơgang tơring, mă loi ‘noh jĭ hnam pơgang tơring hơtăih hơtŏ. Bơngai tah hla tơlĕch nơ̆r kăl kơ đei trong jang mă lăp kiơ̆ kơdih rim tơring. Dôm nơ̆r tơgop kŭm tơroi tơdrong mơmat tat lơ̆m chă bơngai iŏk tĕch pơgang, ưh kơ măh bơngai jang gah khôi luơ̆t, trong tơgŭm jên tŏ sĕt păng tơdrong roi tơƀôh tơmam huch tơgŭm glăi hăm tơpă yan âu lơ. Khŭl tang măt Quốc hội dêh char pơkăp chih akŏm, apĭnh truh rim anih tơm, anih jang tơ̆ ‘măng Hop akŏm Quốc hội truh âu kơnh.