
Tơdrong iŏk nơ̆r tơgop đei tơlĕch jang jơ̆p jang truh rim anih jang, tơring; Anih jang Mặt trận Tổ quốc Việt Nam dêh char păng rim khŭl jang lơ̆m grŭp; dôm bơngai joăt jang, bơngai jang khoa hŏk; kang ƀô̆, bơngai jang teh đak, bơngai jang păng đĭ đăng kon pơlei. Tơdrong tơm tơgop nơ̆r ‘noh đei pơđĭ hla ar chih ming Tơdrong tơchơ̆t, lơ̆m noh akŏm lơ̆m dôm hơpăng tơchĕng vă hơmet ming, tơmơ̆t dơ̆ng, Jơ năr iŏk nơ̆r tơgop pơtơm đơ̆ng ‘năr 15/5 păng pơtôch lơ̆m ‘năr 25/5.

Kon pơlei gơh tơgop nơ̆r kơtă lơ̆m ứng dụng VNeID, Hơnih kơtơ̆ng ang điện tử Quốc hội, Khŭl kơdră teh đak; dăh mă gơih hla ar truh Anih vei lăng kon pơlei dêh char, Khŭl tang măt Quốc hội dêh char păng Anih jang mặt trận Tổ quốc Việt Nam dêh char. Tơ̆ apŭng păng xăh gô pơgơ̆r dôm tơdrong jang nhen hop akŏm, pơma dơnuh, pơma đam... lăp hăm tơdrong yan âu tơ̆ tơring.
Viết bình luận