Tơ̆ hop akŏm, Anih jang vei lăng kon pơlei dêh char Đăk Lăk tơbang dôm tơchơ̆t sơng iŏk, pôk jang păng sơkơ̆t kơchư̆k kơdră kơpal hăm bơngai chĕp kơ̆l lơ anih jang tơ̆ tơring lơ̆m dêh char. Hơdah: Pôk ƀok Trần Văn Tân – Kơdră Anih jang Jên hu dêh char Phú Yên (so) iŏk jang kơchư̆k Kơdră Anih jang Jên hu dêh char Đăk Lăk. Sơng păng pôk jang hăm ƀok Cao Đình Huy – Phŏ Ƀĭ thư Thanh uy, Kơdră Anih jang vei lăng kon pơlei pơlei tơm Tuy Hòa, dêh char Phú Yên iŏk jang kơchư̆k Kơdră Anih Ming man dêh char Đăk Lăk. Pôk yă Lê Thị Thanh Xuân – Kơdră Anih Pơtho Pơhrăm dêh char Đăk Lăk (so) iŏk jang kơchư̆k Kơdră Anih jang Pơtho Pơhrăm dêh char Đăk Lăk. Pôk ƀok Nay Phi La – Kơdră Anih jang Pơgang Hơmet jĭ jăn dêh char Đăk Lăk (so) iŏk jang kơchư̆k Kơdră Anih jang Pơgang Hơmet jĭ jăn dêh char Đăk Lăk…

Pơma ah hop akŏm, Kơdră Anih jang vei lăng kon pơlei dêh char Tạ Anh Tuấn sơkơ̆t hơdah, hmach bơnê kơ tơdrong pơm jang, pôk plang păng tơnăp đơ̆ng đe kang ƀô̆ đei pôk jang, atŭm hăm noh hơpơi 'meh khul kơdră kơpal pơtoi yua tơdrong hơgei tơnăp kơ po, păng tơdrong tơguăt tơguăl vă pơjing jơnŭm pơgơ̆r pơm jang tơnăp, pơtrŏ hăm tơdrong tơchơ̆t lơ̆m jăl hơtŏk tơ-iung 'nao kơ dêh char.