

Khôi luơ̆t Ŭnh hơyuh nguyên tư đei pơjing lơ̆m sơnăm 2008, đơ̆ng rŏng 17 sơnăm jang kiơ̆ hlôi ƀôh lơ tơdrong tim mă lăp, tim mă trŏ ƀlep ăn tơdrong ‘meh vă yan ou atŏk tơ iung teh đak hrei ou, tim mă tơƀôh hơdăh tôm tong rim tơdrong pơkăp apŭng plĕnh teh mă Việt Nam vang mơ̆t jang hơdoi ... Kơ yuơ lơ loh, tơdrong hơmet ming khôi luơ̆t jing kăl hloh vă Việt Nam trŏ lăp hăm tơdrong ‘meh vă atŏk tơ iung ŭnh hơyuh nguyên tư lơ̆m chăl hle, mă kăl ‘noh iung jang dơ̆ng Tơdrong jang ŭnh hơyuh hạt nhân, ba rim hnam kmăi ŭnh hơyuh hạt nhân Ninh Thuận 1 păng 2 iung jang dơ̆ng jăl jang 2030-2035. Jei lơ̆m pơgê ou, Kuô̆k hô̆i mơ̆ng Đŏk tơbăt Hla bơar pơtruh ăn păng Hla bơar chih tơbăt dăr lăng Tơdrong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ khôi luơ̆t hơmet pơ ‘lơ̆ng pơm glăi; Tơdrong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Pơjing hla bơar pơkăp khôi luơ̆t; Trong vă pơjing hơmet ming, tơmơ̆t dơ̆ng mĭnh ƀar apăng kơ Trong bơ̆ jang pơgơ̆r Hop akŏm Kuô̆k hô̆i. Tơ̆ kơsơ̆ Kuô̆k hô̆i pơma dơnuh tơ̆ Khul găh: Trong vă pơjing Khôi luơ̆t vang Iung jang vei lăng rơngei hiôk hian kơ Liên hợp quốc; Tơdrong vă pơjing Khôi luơ̆t Kon jên bơ̆ jang teh đak (hơmet ming)...
Viết bình luận