Hăm tơdrong jang hơmet pơ-'lơ̆ng jơnŭm pơgơ̆r, tơlĕch jang kiơ̆ pơkăp jơnŭm pơgơ̆r 2 tăl, Hop akŏm sơkơ̆t tơdrong jang ou tơnăp, trŏ nhen tơchơ̆t tơlĕch. Mă kăl, rim tơring hlôi kơchăng chih akŏm păng tơlĕch pơm jang hơdah, akŏm lơ̆m tơdrong jang chinh trĭ, đon bơnôh sơđơ̆ng hăm đe kang ƀô̆ đảng viên mă đei ƀơm truh tơdrong pơkăp jang.

Pơma ah hop akŏm, ƀok Hồ Văn Niên, Ƀĭ thư Tĭnh uy Gia Lai ră hơdah: Hop akŏm 'măng mă 20 Ƀan châ̆p hanh Đảng ƀô̆ dêh char jăl 16, ưh hơdrô̆ jing 'măng vă sơkơ̆t hơdah tơdrong jang lơ̆m 6 khei blŭng sơnăm mă oei jing tơdrong jang hơmet kăp gĭt ăn jăl jang tơplih 'nao hrei ou.