Tơ̆ Anih pơm hla ar kơ 2 tơring, Tổng Bí thư hơlen năng tơdrong hơmet anih jang, tơmam drăm, kơmăy kơmŏk, khul bơngai jang păng pơtho tơƀôh trong pơm hla ar ăn kon pơlei, kơchăng tơmât yoa khul kơdră ‘nao iŏk đơ̆ng ‘năr 1/7/2025.

Tổng Bí thư jet gia, pơma nuh hăm khul kăn ƀô̆, bơngai jang kơ teh đak păng athei hơtŏk đon jang mă tơnăp, pơm ‘lơ̆ng vă khul kơdră pơgơ̆r gơ̆h bơ̆ jang đei yoa, hiôk hian đơ̆ng blŭng hloi. Pơma hơdăh tơdrong pơvih ăn kon pơlei ‘nŏh tơm, Tổng Bí thư athei khul kơdră tơring jăh pơgơ̆r bơ̆ jang sơđơ̆ng ‘lơ̆ng, vei kơjăp tơdrong sơđơ̆ng, ưh ăn đei tơdrong tơtŏ. Atŭm hăm ‘nŏh, chih hơdăh tơiung pơjing Đảng jĭ tơdrong tôch gĭt kăl păng athei hơmet mă ‘lơ̆ng ăn Hop akŏm Đảng tơ̆ tơring truh âu kơnh.