Pơma pơgơ̆r tơ̆ Hop akŏm, Tổng Bí thư Tô Lâm ră hơdah, khei năr ou ki, khul Kŏng an kon pơlei hăm tơdrong pơgơ̆r đơ̆ng Đảng uy Kŏng an Trung ương pơtoi jang tơnăp, yuk hơlou lơ̆m tơdrong pơm kiơ̆ dôm tơchơ̆t jang đơ̆ng Đảng, mă kăl noh yuk hơlou lơ̆m pơm kiơ̆ Tơchơ̆t kơsô̆ 18 păng pơm kiơ̆ pơkăp jơnŭm pơgơ̆r tơring 2 tăl tơguăt hăm hơtŏk kơtang asong sơnong pơgơ̆r jang tơ̆ tơring.

Gah tơdrong pơm jang 6 khei hơtuch sơnăm 2025 păng dôm sơnăm đơ̆ng rŏng, ƀok Tổng Bí thư pơgơ̆r khul Kŏng an kon pơlei akŏm jơhngơ̆m pơm jang đei jơnei dôm tơchơ̆t tơlĕch đơ̆ng Đảng; pơm kiơ̆ pơkăp hăm kan ƀô̆ oei lơ̆m tơdrong pơkăp jơnŭm pơgơ̆r jang hơdai; hơmet mă tơnăp rim tơdrong vă pơgơ̆r keh đang Hop akŏm Đảng ƀô̆ Kŏng an Trung ương 'măng mă 13, vei sơđơ̆ng Hla bar kăl ăn Hop akŏm tơpă jing dơhnit unh pơchră trong ăn tơdrong jang vei sơđơ̆ng tơpôl, pơjing khul Kŏng an kon pơlei trŏ hăm sơnong jang lơ̆m jăl jang kăch mang 'nao, tơgăl hăm đon lui, tơdrong hơpơi đơ̆ng Đảng, Teh đak păng Kon pơlei 'măn ăn khul Kŏng an kon pơlei.