Tơ̆ jơ bơ̆ jang, Tổng Bí thư Tô Lâm athei, Đảng ủy Mặt trận Tổ quốc Việt Nam, rim hơnih bơ̆ jang Trung ương, Khul kơdră chĕp pơgơ̆r Hơnih bơ̆ jang Trung ương Mặt trận Tổ quốc Việt Nam atŭm hăm rim hơnih bơ̆ jang hơnơ̆ng jang kiơ̆ ‘lơ̆ng hơnăp jang tơm dơnơm găh chinh trĭ, atŏk kơtang bơ̆ jang pơrô̆ pơrôp, hŏk pơhrăm, pơrô̆ hơvơn kon pơlei lơ̆m teh đak păng bơngai Việt Nam oei tơ̆ teh đak đe. Hơvơn rim khul, pơm hơtŏk jơhngơ̆m pran tơchăr hơgei đơ̆ng rim răih kon pơlei, mĭnh jơhngơ̆m mĭnh đon, kơrŭn iung jang jơnei "4 Tơdrong tơchơ̆t tơm” đơ̆ng Hơnih tơm Chĭnh trĭ (Tơdrong tơchơ̆t 57, 59, 66, 68). Hơlêm kang ƀô̆, bơngai jang păng rim răih kon pơlei drơ̆ng mĭnh nơ̆r ƀơ̆r đon, tơgop iung jang jơnei ‘măng iung jang gơ̆h hơgei pran kơtang đơ̆ng khul chĕp pơgơ̆r Trung ương truh tơring kơtoei, jơnei kơtang, tơplih trong jang đơ̆ng vei lăng jing pơchoh trong atŏk tơ iung, iung jang kơtang lăng tông hơnih mơdro sa păng kon pơlei, lăng hơnih mơdro sa, kon pơlei ‘noh jing kăl hloh.