Tổng Bí thư Tô Lâm pơma hơdăh: vă hơtŏk hlŏh dơ̆ng dôm tơdrong iŏk đei mưh chĕp kơ̆l pơgơ̆r bơ̆ jang lơ̆m 6 khei hơtuch sơnăm 2025, QUTW athei akŏm jơhngâm chĕp kơ̆l pơgơ̆r bơ̆ jang mă ‘lơ̆ng “3 tơdrong tơm, 3 tơdrong jang mă pran”, jang ‘lơ̆ng tơdrong hơmet păng pơgơ̆r Hop akŏm bơngai tang măt Đảng ƀô̆ Khul linh ‘măng mă XII; vang jang mă tơnăp hlŏh vă pơvih ăn Hop akŏm bơngai tang măt lơ̆m teh đak ‘măng mă XIV kơ Đảng; pơtho tơƀôh bơ̆jang hơmet ming khul linh tơ̆ tơring mă lăp hăm khul kơdră pơgơ̆r tơring 2 tăl.

Atŭm hăm ‘nŏh chĕp kơ̆l pơgơ̆r hơtŏk tơdrong tơdra hơdrol, tơchĕng hơlen, băt hơdăh rim tơdrong, tơtom roi tơƀôh ăn Đảng, teh đak trong jang gĭt kăl vă vei lăng ‘lơ̆ng tơdrong đei yoa ăn teh đak, ăn hơdrĕch hơdrung, vei kơjăp tơdrong rơngei, pơm tơm kơdih kơ 1 teh đak kơjăp ‘lơ̆ng.