VOV.Bahnar - Tơdrontg kơtơ̆ng ang năr ou đei dôm kơtơ̆ng ang kăl tơ̆ hơla ou: - Kuô̆k hô̆i jăl 15 hlôi hơmet pơ ‘lơ̆ng lơ tơdrong tơhlăk tơhlĭn trong jang, pơjing trong jang khôi luơ̆t ăn atŏk tơ iung teh đak. - Mơdro sa Việt Nam- Hoa Kỳ tŏk 300 ‘măng đơ̆ng rŏng 30 sơnăm bar teh đak pơjing tơbôl. - Rim dêh char Dak Lăk, Gia Lai kơrŭn đĭ ai “Iung jang Quang Trung” ming man rơbou pơbŭng hnam tơgŭm ăn kon pơlei sơđơ̆ng hơrih sa đơ̆ng rŏng ‘mi kial pơrăm. - ASEAN hăm Hoa kỳ pơgơ̆r Pơhrăm vei lăng sơđơ̆ng duk chơ tơmam drăm ‘măng mă 2. - Lơ teh đak châu Âu ‘meh vă jang kiơ̆ Ôxtrâylia ưh kơ gan ăn đe hơ ioh iŏk yoa mạng tơpôl.

VOV.Bahnar - Tơdrong kơtơ̆ng ang kơsơ̆ ‘nâu đei dôm tơdrong tơm tơ̆ hơla âu: -Tổng Bí thư Tô Lâm sơng Thư ký Anih vei lăng sơđơ̆ng teh đak Nga. -Thủ tướng Phạm Minh Chính pơgơ̆r hop akŏm Anih pơgơ̆r jang kơ teh đak găh tang găn rôp yâu ka hơdang glăi luơ̆t, ưh đei roi tơbăt păng ưh đei pơm kiơ̆ tơdrong hơgăt. -Jơnŭm pơgơ̆r kon pơlei dôm dêh char Lâm Đồng, Gia Lai pơgơ̆r hop akŏm ƀât hơtuch sơnăm 2025 hăm lơ tơdrong gĭt kăl. -Trung Quốc, Iran păng Ả Rập Xê Út krao hơvơn găn pơtôch rim tơdrong tơblăh tơdrŭt đơ̆ng Israel. -Thổ Nhĩ Kỳ păng Hungary kĭ pơkăp lơ tơdrong jang hơdoi.

VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou: - Tổng Bí thư Tô Lâm sơng Kơdră Hŏk viê̆n Kơdră teh đak Liên bang Nga. - Kuô̆k hô̆i pơma đam tơ̆ hnam akŏm gah tơdrong jang tang găn păng tơjră xa pơjĭp sơnăm 2025. - Pơma đam Iŏk yua kŏng ngê̆ lơ̆m tơdrong tơroi hơdrol gah tŏ pơđang păng hơlen iŏk yua thong hơbong đak tơ̆ tơring Tây Nguyên . -Dêh char Quảng Ngãi hơtŏk mŭk drăm hloh 10%, dơ̆ng hơlou lơ̆m tơring Pơbah Tŏk bŏk păng Tây Nguyên. - Tơblah tơblŭng tơring sơlam Campuchia - Thái Lan pơm hloh 8.000 unh hnam athei jăk tơ̆ nai, kơ hrĕng hnam trưng hŏk athei tang 'măng

VOV.Bahnar - Tơdrong kơtơ̆ng ang ‘năr ou đei 1,2 tơdrong kơtơ̆ng ang tơm tơ̆ hơla âu: - Thủ tướng Teh đak athei jăh tơtĕnh hơmet pơ ‘lơ̆ng hiong răm đơ̆ng ‘mi tih đak lơ̆p, vei sơđơ̆ng hnam oei ăn kon pơlei hơdrol kơ Tết 2026. - Phŏ Thủ tướng Bùi Thanh Sơn athei Lâm Đồng vei kơjăp jang tŏk, tŭn hrĕnh tơlĕch jên tơmơ̆t jên jang teh đak. - VOV pơjao tơmam tơgŭm kon pơlei tơring ‘mi tih đak lơ̆p Khánh Hòa păng Gia Lai. - Kơdră tơm teh đak Phalăng roi tơbăt lê̆ hơdrol iŏk thuê̆ lơ hăm tơmam Trung Quốc. - UNESCO set hơlen drơ̆ng ăn rup kră sơ̆ Đông Hồ ‘noh jĭ tơmam so apŭng plĕnh teh.

VOV.Bahnar

VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou: -Tổng Bí thư Tô Lâm năm Hop akŏm Đảng uy Kŏng an Trung ương sơnăm 2025. - 'Năr ou (5/12), Kuô̆k hô̆i hop akŏm tôm hơlen lăng pơkăp asong jang lơ̆m Tơchơ̆t jang kơ teh đak gah tơring tơrang 'nao, tơjur hin dơnuh sơđơ̆ng 'lơ̆ng păng hơtŏk mŭk drăm – tơpôl tơring kon pơlei kon kông, groi kông truh sơnăm 2035. - Pơtơm Hop akŏm bơngai tang măt MTTQ Việt Nam dêh char Gia Lai 'măng mă 1, jăl jang 2025-2030. - Kơdră teh đak Nga năm tơmang teh đak Ấn Độ. -Hop akŏm Tơjră pơm kơnê̆ BRICS+ 2025 drơ̆ng nơ̆r hơtŏk jang hơdoi apŭng plenh teh pơgơ̆r tơ̆ Moscow, Nga.

VOV.Bahnar - Tơdrong kơtơ̆ng ang năr ou đei dôm kơtơ̆ng ang kăl tơ̆ hơla ou: - Tổng Bí thư Tô Lâm pơm tơm hop akom găh trong jang vei lăng năng tông bơngai jo jăn. - Kuô̆k hô̆i pơma dơnuh hla bơar chih tơbăt bơ̆ jang jăl jang 2021–2025, pơchoh trong jang keh đang tơdrong tơchơ̆t jăl jang truh ou kơnh. - Teh tơdrŭt hơlih kơtang tơ̆ trong hông hang krang nak Gia Bắc (Lâm Đồng), Trong glung 28 ưh kơ gơh chă rok - Ƀok Kơdră tơm Nga năm tơmang Ấn Độ, pơtrŭt kơtang jang hơdoi gĭt kăl truh sơnăm 2030. - Kơdră chĕp pơgơ̆r Hơnih tơm jang jên hu Mi chhôk hơ iă găh tơdrong jang mŭk drăm, sơkơ̆t hơdăh Trung Quốc vă jê̆ jang keh đang nơ̆r pơkăp mơdro sa.

VOV.Bahnar – Tơdrong kơtơ̆ng ang 'năr ou đei dôm tơdrong tơm tơ̆ hơla âu: -Tổng Bí thư Tô Lâm vang pơgơ̆r Tơƀâp tih đơ̆ng Đảng Cộng sản Việt Nam păng Đảng Kon pơlei Kăch mang Lào. -Kơdră Quốc hội Trần Thanh Mẫn sơng Phŏ kơdră mă mônh kơ Quốc hội Liên bang Nga. -Đắk Lắk tơlĕch tơdrong jang hơmet ăn tơdrong pôk rơih Bơngai tang măt Quốc hội păng Jơnŭm pơgơ̆r kon pơlei jơ̆p tơring. -Nga - Trung Quốc drơ̆ng nơ̆r hơtŏk trong jang hơdoi găh tơdrong jang tơbôl. -Ba Lan păng Đức adrin pơm hơtŏk tơdrong pơvei 2 pang.

VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou: - Tổng Bí thư Tô Lâm tơƀơ̆p kon pơlei Việt Nam tơ̆ Lào. - Thủ tướng pơgơ̆r Hop akŏm sơkơ̆t pơtôch tơdrong jang tang găn păng tơjră xa pơjĭp, huach kư̆ kă. - Khul linh pơm 100 tŏ hnam tơgŭm kon pơlei tơring 'mi kial đak hơbông pơrăm tơ̆ Gia Lai. - Pơhlom 800 'nu tang măt năm Hop akŏm “Hlôh vao hơdah gah Trung Quốc”. - Kơdră teh đak Mi păng Thủ tướng Israel pơma điê̆n thuăi gah tơdrong tơblah Gaza.

VOV.Bahnar - Tơdrong kơtơ̆ng ang 'năr ou đei dôm tơdrong tơm tơ̆ hơla âu: -Tổng Bí thư Tô Lâm năm ngôi tơ̆ teh đak Cộng hoà Dân chủ Nhân dân Lào. -Thủ tướng Phạm Minh Chính kĭ hla ar găh tơlĕch jang hơmet ming, pơm dơ̆ng hnam oei ăn dôm unh hnam đei hnam păk pơchăh yoa đơ̆ng ‘mi kial tơ̆ dôm dêh char găh tơring Tŏk bŏk. -Năr ‘nâu (1/12), hrơ̆ch tơlĕch jang man hơmet hnam oei ăn kon pơlei tơ̆ Tơring Nam Trung bộ - Tây Nguyên. -Mi păng Ukraine pơma nuh găh trong pơgơ̆r pôk rơih tơ̆ Ukraine lơ̆m ‘măng pơma đam rơngei. -Ƀok papa Leo XIV krao hơvơn jăh pơjing 2 teh đak Israel păng Palestine.