VOV.Bahnar - Tơdrong tơroi kră sơ̆ kơ bơngai Bahnar “Tơm a la chă găh Tăng et hơ̆t” ưh khan lăp tơroi găh tơmam iŏk yoa yan ou mă oei hôn bơnê jơhngơ̆m đon tơgoăt tơgoăl, ‘mêm kơ eng dih băl păng tơdrong joăt ‘lơ̆ng hơ iă lơ̆m kon pơlei Bahnar oei tơ̆ Tây Nguyên. Kiơ̆ đơ̆ng kon tơnuh rông, jơva chĭng chêng păng tăng chă et hơ̆t pơlơh dih băl, tơdrong tơroi ou tơbăt ăn tơdrong tơgoăt tơgoăl dih băl ‘mêm kơ eng dih băl kơ kon pơlei, tơdrong phăl hơlăng păng oei sa ‘lơ̆ng lơ̆m kon pơlei pơla hơdrung Bahnar.