Lê Văn Công ndih tapui tabiak dalam sa baoh sang kan kathaot hu 5 urang anek di Hà Tĩnh. Dua gah takai di sa-ai ka-iu sit meng tuk ndih tapui tabiak kayua amaik njauk ruak pandiak tabiak darah tuk metian. Thun umo 19 thun, Lê Văn Công tame ban raya Hồ Chí Minh, pataom mbaok tame kalup kapul tacei pato bruk ngak brei ka urang jaoh jo. Sa-ai hu yaih khan tame kalup kapul  Tân Bình piah pasram thể thao, hu gru Nguyễn Hồng Phúc pato, pasram cử tạ.

Thun camereip hu mbaok tame pakacah thể thao urang jaoh jo pakat negar, sa-ai mek hu medai pariak. ASEAN Para Games 2007 lac mbang pakacah pakat dunya camereip abih di Lê Văn Công, sa-ai mek hu medai meh tuk pok hu tạ 152, 5 kg.  

Mesup harei 9/9/2016 di Rio de Janeiro, Vận động viên cử tạ Lê Văn Công mek hu medai ameh camereip abih ka Việt Nam di Thế vận hội brei ka urang jaoh jo saong yam tapa kỷ lục dunya, jeng ye kỷ lục Paralympic di hạng cân 49 kg likei. 

Lê Văn Công hadar veik : "Dahlak oh sahneng lac drei jeng menuac ngak pachreih hatai urang jaoh jo, ndom yau nan pang mehit praong lô. Dahlak tok caong baoh medai meh ini hu daong ka dom urang jaoh jo maong tame bloh kham merat yam tagok", urang vô địch bahrau di Paralympic khan lac yau nan. "Dahlak jeng caong lac thành tích drei bahrau mek hu meda daong ka dom vận động viên jaoh jo Việt Nam jia tame rup drei jang tuk pakacah di Paralympic, meblah hu rilo meda jang".

Melam 8/9 (maong Hà Nội), Lê Văn Công yam tame pakacah hạng 49 kg. Urang palei Hà Tĩnh ini pok hu mức tạ 183 kg, mek hu medai ameh saong phá kỷ lục dunya di sa-ai. Ini lac mbang camereip di abih quốc ca Việt Nam hu mehit sap di lễ trao medai di sa mbang Paralympic.

"Dahlak daok khik kỷ lục dunya min yam tame pakacah dahlak jeng mboh huac. Kadha daok ngak ka dahlak huac lac, yaom lac hu 3 mbang janeh Qarada Omar di Jordan, sa thun ini mai dahlak oh pakacah haong urang ini, oh thau urak ini urang nan gheih yau habar. Dalam dom mbang pakacah jaik ini, nyu oh ka ba abih pren yav atabiak me-in, nyu daok padauk piah cang Paralympic – labik me-in praong abih dalam thun", Lê Văn Công daok brei thau lac yau nan.

Bloh bruk pakacah rah tabiak dalam kan kandah tal tukvak puac di abih. Lê Văn Công, hadei di tuk ngak hu di mức 175kg, ye oh ngak hu di mbang pok ka 2 trak 177kg. Dalam tuk nan Omar ngak hu saong mức 179kg. Di mbang puac abih, lực sĩ di Việt Nam pok hu mức tạ 181kg, min kayua trak kilo jang nan ye sa-ai tok mek hu meda pariak meyah urang Jordan pok hu mức tạ yau sa-ai. Min, Omar oh pok hu saong medai ameh hu ka Văn Công. Lực sĩ palei Hà Tĩnh hadei di nan daok pok hu mức 183kg piah phá kỷ lục thế giới di drei. 

Lê Văn Công khan lac, biak di nyu mbang ini pren yava di sa-ai oh siam. Dua harei dahlau sa-ai  njauk giãn cơ  nan ye njauk luk jru dahlau di tuk pakacah. 

"Rilo urang lac dahlak uan tabuan lô nan ye kan ndih, min biak di nyu oh njauk lac yau nan. Dahlak mboh oh hagait karei, oh chreih chrai hagait jang", Văn Công brei thau ka hatung hatian di drei hadei di tuk mek hu jayah ka thể thao Việt Nam. "22h melam di Rio de Janeiro, dahlak kuhria tame ndih piah daong ka rup pabhap pasiam chấn thương".

  Urak ini Lê Văn Công saong diuk haong 2 urang anek daok di Long An. Lingiu di bruk pasram pakacah, Lê Văn Công daok hu pei tiệm pasiam pandap điện tử saong hu mbaok tame pato bruk ngak piah duah hu jien tame  rilo jang./.