Ban raya Hồ Chí Minh hu jiak  20 triệu menuac, tuk halei jeng lac darak pasa praong di dom janih pandap panda. Kuhria meng akaok bilan 10, dom pandap panda ba tame  darak pasa ni brei duah thau hu asar di nyu piah pabak pandap siam ka bhap bini. Bahrau ni, Sở Công thương ban raya Hồ Chí Minh hu peih bruk pasang iek song gắn mã vạch duah thau hu asar ka  Trang trại rong da huyện Tháp Mười, tỉnh Đồng Tháp. Kadha vak di tỉnh Đồng Tháp hu khan brei thau cambaih dom kham merat di urang raong glang labik ni.

Puac bilan 9 meng bloh, pasang iek dom công đoạn dalam rong glang  di  trang trại di ong Lê Ngọc Mới xã Mỹ Hòa huyện Tháp Mười, tỉnh Đồng Tháp, Kapul pasang iek  di  Sở Công thương ban raya Hồ Chí Minh tong yaom glong mô hình rong kreih song khik caga jit ruak DI  trang trại. Abih di nyu nan lac oh pandar kháng sinh dalam rong glang, da khang kadang nan ye chất lượng boh da hu tong yaom glong.

Tui ong Nguyễn Ngọc Hòa, Phó Giám đốc Sở Công thương ban raya Hồ Chí Minh, ni lac trang trại camereip di dom tỉnh miền Tây hu  brei mã vạch duah thau hu asal di boh da ini. Bruk ni hu makna biak prong ngan song ban raya dalam bruk padang  dom jalan pabak pandap mbang hacih saat song hu makna jang ngan song trang trại dalam tuk padang angan je di trang trại drei:

Piah hu pandap hacih saat njauk pambuak song dom  tỉnh padang talei pambuak bruk. Bhap bini ban raya caong thau ka asal di candiah rilaow, boh hu rong,  chế biến yau habar. Tapa nan ngak jeng bruk meriak gauk khang kajap song dom pandap blei meng negar langiu, anak tal ban raya jeng brei hu khau tin cambaih laih piah khik ramik.

Urak ni yaok harei,Tổ pambuak bruk rong da Tháp Mười pabak labaih 5000 boh da saat tame darak pasa  ban raya tapa  công ty cổ phần pandap mbang Vĩnh Thành Đạt. Min, tui urang dang akaok công ty số lượng ni dok biak takik duh song bruk blei mbang song ngak dom pandap karei meng boh di công ty, nan oh ka ndom tal bruk caong blei boh da piah chế biến pablei tabiak negar langiu. Ong Trương Chí Thiện – Giám đốc Công ty cổ phần thực phẩm Vĩnh Thành Đạt brei thau:

Dalam jalan patagok ye khol hulin ngak boh chế biến, hulin tong yaom glong tiềm năng labik ni. Hulin dok ginum biai song adei saai dalam tổ piah peih praong trại drei tagok. Urk ni sản lượng di tổ pambuak bruk ini oh ka pabak ginup brei công ty khol hulin.

Rilo sang rong da di  Đồng Tháp brei thau tuk hu Sở Công thương ban raya Hồ Chí Minh brei harak chứng nhận ka duah thau hu asar di nyu hu rik dong biak prong dalam bruk paglaong yaom boh da, song prong jang lac meda ngak jeng labik palei salih tani tanat ka trang trại. Meng 11 urang di  tổ pambuak bruk rong da Tháp Mười ye urak ni  hu  5 urang buh jien tabiak ngak tui jalan rong kreih. Yaom lac phun jien ngak var ro biak prong, min ni lac jalan  ngak dalam tuk vak paglaong chất lượng pandap panda rong glang urak ni. Ong Lê Ngọc Mới, urang dang akaok Tổ pambuak bruk rong da huyện Tháp Mười, Đồng Tháp khan lac “Tuk hu chứng nhận ye ba mai biak rilo kein lib aka drei. Oh pdeih di labik nan, drei brei ngak veik tui jalan an toàn sinh học. Tuk hulin hu Chứng nhận ye hulin dok padang ngak rilo  mô hình tra, brei ka adei saai ngak tui drei.

Mboh lac, meng khang hatai song jalan ngak bahrau, tổ pambuak bruk rong da huyện Tháp Mười dok hu dom jalan ngak prong dalam tukvak dak padang song patagok angan je boh da DI tổ. Tapa nan, padang hu yaom glaong khang kajap meng rong glang tal pablei salih. Ni hu mong lac  kadha siam lagaih dalam bruk rami ramik   veik gah pandap panda ini bo tỉnh Đồng Tháp dok khang hatai ngak./.