Pasar ciu Định Yên di huyện Lấp Vò, tỉnh Đồng Tháp lac sa labik darak pasa hu meng labaih sa rituh thun ni mai. Blah ciu, gu ciu meng saman dahlau mai nyu kak kajap haong rai duik di urang Việt. Lingiu di nan, nyu hu jeng biểu tượng ka thar vak, ka hatung hatianm di rup drei, di boh sang drei .

Meng dom yaom glong yau nan bo  bilan  9/2013, Mintri ilamu  - Thể thao song  Du lịch hu pok angan palei ngak ciu Định Yên lac inem krung  ilamu  phi vật thể pakat negar

Palei ciu  Định Yên hu meng yaok rituh thun dahlau, labik bo  70% boh sang tui bruk ngak ciu

Ni lac pasak di palei ngak ciu meng kan hu angan je di grauk labik. Tukvak ngak mbang hu saong tagok glaong abih di palei menyim lac dalam dom thun  80 di abhap 20, ciu  Định Yên hu pablei tapa dom negar  Đông Âu, Liên Xô (dahlau deih), Cam-pu-chia, Thái-lan,... hu urang pandar dalam taneh ia song langui negar biak takre.

Piah menyim jeng sa blah ciu, langiu di bruk menyim eng, mik va meda pandar jamriak piah ngak hu samar jang, pabak  ka darak pasa njauk tuk vak.

Tapa palak tangin gheih di drei, yaok thun dom sang di labik ni ngak hu yaok triệu blah ciu  bingu biak mekre, limin song kajap.

Yaok blah ciu hu pablei yaom meng 25.000 - 50.000 đồng sa gu, tui janih. Ciu hu rilo janih song praong sit karei di gauk. Ciu hu pablei di pasa đặc biệt, ieu lac pasa  ciu.  Dahlau deih, palei ciu Định Yên hu thau tal rilo di abih lac darak pasa ciu atau dok ieu lac pasa jin, kayua pasa ni nyaom di tuk melam, pablei dalam 2 tuk bloh padeih.

Langyah ka panuac ieu pasa jin, rilo urang brei thau kayua harei tavak menyim ciu, thương lái tavak nao pablei salih nan ye darak pasa tok rah tabiak di tuk melam. Min urak ni bruk menyim ciu song bruk pablei salih hu salih karei meneing.

Ni lac sa ilamu meng kan hadah krah di urang  Định Yên, yaom lac pasa min pasa ciu oh dreih yau sa janih darak pasa halei karei dalam negar./.