Bein pakat negar  Phước Bình atah di ban  Phan Rang - Tháp Chàm labaih  65km nao gah pai tui jalan roya  27 di xã Phước Bình, huyện Bác Ái, tỉnh Ninh Thuận. Ni lac sa labik nao tal biak chreih bui, hu hệ sinh thái biak  đa dạng, glai klo yau daok tamo, hu dom krong chraoh nduac tapa dom patau prong ngak ka labik ni biak gheih, biak mekre

Jalan tame bein pakat negar  Phước Bình bak patei glai dua gah jalan. Patei tapen jalan, patei di angaok ceik, labik beir labik glong bak hala hajao mekre. Di labik ni, hu sa janih patei biak karei, yaok phun hu sa buồng, ieu lac patei Phu Thê, dok hu ieu lac phun patei cô đơn. Patei hu angan yau nan lac kayua luac rai phun patei tok tamuh sa drei, karei jang dom janih patei karei bhian tamuh rilo phun, tui cụm, tui khóm. Hadei di tuk boh di angaok buồng tasak katam ye jeng lac tuk phun  Phu Thê nyu thu bloh metai nao. Kayua yau nan ye, tui roh duah nyu hu dom janih dược tính glong jang rilo mbang patei asar glai kayua taong abih dưỡng chất phun patei nyu pataom tame 1 buồng.. Asar pajaih patei  Phu Thê Ninh Thuận dok dong ka mikva urang ngak nong  “kuac jien”, phun meda pala  cảnh song hu tiềm năng kinh tế  gah dược liệu.

 Meda lac bhum taneh ni lagaih song patei nan ye rup patei cô đơn phun prong tal 20-25cm, glong 3-4m buông atah tal 6-7 tấc, boh halei jeng limek gul. Dang meng atah mboh hu yaok rituh bingu patei tual  meriak that. Mehit urang lac patei di Phước Bình pablei ka abih ban Phan Rang song lac ba jien tame di mik va  Raglai urak ni dok di labik glai taha ni.

  Phun patei cô đơn (dok ieu lac patei asar, patei metui medhua) karei jang dom janih patei karei: meng rup phun patei tal bingu patei song boh jeng biak karei. Urang dok di labik ni brei thau, bruk njauk biai di janih patei ni lac meng tuk asar pajaih pacah meta tal tuk tabiak buồng oh hu phun anek. Tal tuk boh tasak ye phun nyu thu layau bloh metai nao.

Patei  cô đơn tamuh  di lingiu lingik tasik, phun  tamuh hu luac thun. Phun patei ni tok tamuh di labik ceik glaong, bhian di nyu asar tasak laik trun haluk gaok langik siam phun nyu tamuh,  praong tagok song tabiak boh. Meng tuk tamuh tal tuk paik boh dalam 2- 2 thun meteh

  Bhap bini pak ini biak takre boh song asar di janih patei glai ni. Patei cô đơn pasiam hu ruak thận, sỏi thận, meeik saradang, pandik kaeing, pandik talang, khang kadang pren yava ka urang lakei , giải nhiệt, pandik tung, hắc lào, pachreih tiêu hóa, bổ thận, mbuan me-ik, siam ka urang lah mbang, takik ndih, táo bón….

Bhap bini pak ni mek asar pater tram alak menyum biak bingi song pahe song hu rilo tuai damuai biak takre tuk mai ni rivang main. Dom tuai du lịch jeng ndom lac janih alak ni biak karei, nyu pahe di patei bo oh ngak lahik nao vị di alak, menyum sa mbang ye hadar miet./.