Meng roh duah, ba rilo ilamu, công nghệ bahrau tame bruk  ngak phôi,  pala bimao … urang likei angan Bùi Minh Thắng, ndih tapui thun  1991- po trại Nấm 10 Sài Gòn di  xã Hòa Phú, huyện Củ Chi, ban raya HCM hu ngak kaya meda ka  sang drei. Hatai kham merat yam tagok di saai brei mboh bruk  ba kaok nao dahlau di dam dara dalam bruk peih ngak dom sarak patagok ngak nong, palei pala, dong jhul pakhang patagok bruk ngak nong hacih di ban raya HCM. Kadha vak di  Tiến Dũng hu khan tal kreih camin urang likei angan Bùi Minh Thắng yam tapa kan kandah hu jeng kaya meda . Daa mik va song tong abih gauk tui pang

Mai rivang trang trại bimao di  Bùi Minh Thắng, di angaok taneh prong  700m2, khol hulin hu mboh di anak meta bruk ngak phôi bimao ngan song labaih 10 janih pajaih “saat” meng  nguyên liệu tal  sản phẩm pablei ka tuai damuai. Khan ka jalan ba tal bruk padang mbang ngui meng ngak bimao, saai Bùi Minh Thắng brei thau, saai klaak bruk nao bac di  Nhật Bản piah kak kajap song bruk takre pala bimao atah di ni jiak 20 thun, ngan song phun jien 300 triệu đồng mesraiy di gauk gar. Min tuk bahrau padang mbang ngui jeng gaok rilo kan kandah, meng kurang phun jien, kurang menuac thau ngak tal buk pablei tabiak jeng oh tani tanat. Abih di nyu nan lac meo giống njauk nao blei meng labik karei, rilo tuk oh siam, yau nan ye pajaih tamuh siam oh glong. 

Oh kadun likuk, Bùi Minh Thắng duah thau kayua halei yau nan piah tui hjatai takre patagok bruk ngak bimao. Lingiu dom pok jien kayua kapul nyaom puk palei tacei brei, Thắng khang hatai patom abih sổ taneh, sang dok piah mesraiy 600 triệu đồng buh tame peih prong trang trại meng 100m2 tagok 700m2. Bloh duah thau jalan ngak meo giống piah khik  chất lượng song ngak hu  lô phôi camereip di drei di akaok thun 2016. Tapa rilo mbang salih bahrau song pandar ilamu kỹ thuật bahrau, urak ni phôi jak jeng hu meng  95-97% dut song  80-90% di tuk camereip. Gam song nan, trại nấm jeng hu blei rilo trang thiết bị, ba khoa học kỹ thuật tame ngak bimao yau salih ging am meng nyuh tapa lò hơi dong patrun patakik phun jien, patrun patakik khí thải tabiak môi trường; atau pandar jam riak  phun sương, jamriak tự động điều chỉnh nhiệt độ sang  trại, lò hấp phôi, lò áp suất, balik rong pala meo giống dong tui iek hu  nhiệt độ, độ ẩm sang trại, môi trường biak siam  ka bimao patagok. Saai  Bùi Minh Thắng brei thau:

Drei ba ilamu  kỹ thuật tame trang trại pajaih salih meng  ging am jnuk tapa lò hơi piah abih takik tuk vak song nguyên liệu jang. Jamriak phun sương tự động piah dong  điều chỉnh nhiệt độ dalam sang  trại hu siam jang, tuk bimao tabiak nyu siam jang. Patrun patakik urang ngak. Daok pajaih ye drei ba ilamu  tự cấy giống, blei  jamriak meng negar langiu piah  hu  thanh trùng siam di abih, tuk  cấy phôi oh njom nerak.)

Lingiu dom ilamu di sang drei, tong abih dom kỹ thuật bahrau ni  hu saai  Thắng eng drei roh duah tapa rilo harak  tài liệu karei di gauk song duah thau tapak di dom trại bimao dalam negar, meng nan salih jeng dom jalan ngak lagaih di abih. Tal puac thun 2016, bruk ngak bimao di saai Thắng hu jak jeng, siam mekre. Urak ni, trại bimao di saai  Bùi Minh Thắng pablei tabiak 10 janih phôi giống bimao, yaok harei, tabiak lò 3.000 kadung phôi. Hadei di tuk kaoh abih phun jien buh tame ngak, yaok bilan trại bimao dok laba hu labaih 150 triệu đồng.

Bruk ngak phôi bimao di saai Bùi Minh Thắng oh lac ba mai kein laba glong,  bo dok ba bruk ngak ka 10 urang ngak dalam palei tui yaom jien meng 4 tal  6 triệu đồng/sa urang/ sa bilan, tui bruk ngak. Ngak bruk di gah tame kadung  phôi di  trại bimao, saai Nguyễn Thị Quang, dok di  xã Hòa Phú, huyện Củ Chi khan lac, dahlau deih saai ngak mbang pah rilo bruk tui thời vụ, jien duah hu oh tani tanat, min 2 thun ini mai bruk ngak di  trại bimao hu dong ka saai duah hu jien tani tanat jang, meng 5-6 triệu đồng yaok bilan

          (Drei pablei phôi giống ka urang nan ye drei ngak  phôi ka siam, hu chất lượng. Phôi biak katin khang, hu rilo bimao.  Bimao bingi ye urang meng mai blei . Yaok harei tame hu  6 tal  700 bịch, tui nan  sa harei jeng duah hu  200 ngàn, sa bilan duah hu  labaih 6 triệu đồng.)

Taphia di brukpatagok kinh tế trại bimao di drei, saai  Bùi Minh Thắng tuk halei jeng kham merat hu mbaok tame bruk kapul dam dara padang ngak palei pala bahrau kayua  Xã Đoàn Hòa Phú song Huyện Đoàn Củ Chi peih ngak, abih di nyu nan lac bruk hu mbaok tame padang ngak palei pala bahrau tapa bruk daong ilamu kỹ thuật, meo giống ka bhap bini dalam palei ngak kinh tế.  Lingiu di nan, daok hu Đoàn - Hội di puk palei . Saai gô Minh Hải, Phó Bí Thư Thành Đoàn ban raya HCM brei thau

       (Bruk jak jeng di kapul nyaom nan lac bruk jak jeng di dom ayuh dam dara hu pok meyaom pambak prong dom dam dara ngak kinh tế joi di ban raya  song di pakat negar, bo tuk halei jeng hu dom dam dara di dom palei pala dok di ban raya  HCM. Naih gheih yau ayuh Bùi Minh Thắng di Củ Chi jeng lac sa urang likei ngak kinh tế joi hu pok meyaom song pambak prong lac sa urang ranaih umo naih gheih di ban raya.)

Meng hatai cong khin di mik va urang nong dak harei dak glong, yau nan ye tui kuhria dalam thun 2018, urang likei Bùi Minh Tuấn daok kham merat peih prong trang trại bimao di drei tagok jang 2 mbang, piah hu labaih 6.000 kadung  phôi bimao pablei yaok harei. Meng dom rik dong di drei dalam bruk padang ngak palei pala bahrau, bilan  10/2017, saai  Bùi Minh Thắng hadah mbaok meta taduan hu Giải thưởng Lương Định Của di Trung ương Đoàn dam dara  cộng sản Hồ Chí Minh, song dalam bilan 1/2018 meng bloh , urang likei ni hadah mbaok meta hu jeng sa dalam 10 urang ranaih umo hadah krah  di ban raya HCM./.