Pathau mik va song tong abih gauk! !

      Anak biak rilo tiêu cực pambuak tal điểm số pakacah Trung học phổ thông pakat negar meng bloh  , rilo menuac hu ba tabiak panuac tangi sua lac: njauk khik veik bruk pakacah praong abih rilo jien padai yau nan min kết quả lac oh njauk haong bruk biak di nyu. njauk caik bruk xét tốt nghiệp ka dom tỉnh kuhria song jao bruk  tuyển sinh mai ka dom sang bac đại học. Kadha vak hadei ni di Mỹ Dung, urang vak di rayo sap  ndom Việt Nam dok di ban raya  HCM hu khan ka bruk ni, daa mik va song tong abih gauk tui pang:

Dalam 2 thun camereip peih  pakacah Trung học phổ thông pakat negar, dom sở pato megru di tỉnh tok hu mintri pato megru brei bruk pambuak song dom sang bac  đại học dalam bruk peih pakacah . Dok veik, bruk chấm thi lac bruk di dom sang bac  đại học. Bruk pakacah “2 dalam 1” tuk vak nan hu tong yaom biak glong song  bruk tốt nghiệp di dom tỉnh trun khang.

        Min, meng thun 2017, Mintri pato megru jao bruk peih pakacah praong ni  mai ka  sở pato megru dom tỉnh , dom sang bac  đại học tok daok pambuak bruk min. Tiêu cực rah tabiak meng ni. Tui  Phó giáo sư, Tiến sĩ Đỗ Văn Dũng, Akaok sang bac  Đại học Sư phạm Kỹ thuật ban raya HCM, meyah jao ka dom tỉnh ban peih bruk pakacah ye oh nyaik hu tiêu cực kayua labik halei jeng khin hu urang  bac tamat  trung học phổ thông glong, khin  thí sinh di drei tame dom sang bac siam. kayua Yau nan ye, khin khik hu siam mekre, cambaih laih di mbang pakacah Trung học phổ thông pakat negar, tui urang dang akaok sang bac Đại học Sư phạm Kỹ thuật ban raya HCM, mintri pato megru  njauk jao  quyền mai ka dom sang bac đại học:

         “Urak ni njauk jao veik bruk tui iek pakacah song chấm thi ka dom sang bac  đại học. Yau nan tantu trun hu tiêu cực. Dom sang bac  đại học oh hu makna hagaih  piah dong ka tỉnh ni bo oh dong ka tỉnh deih. Urang ngak bruk biak tantu cambaih laih piah dom anek saih tame hu dom sang bac  đại học lac dom anek saih  naih joi”.

        Langiu di bruk caong jao quyền peih pakacah song chấm thi ka dom sang bac  đại học, ong Đỗ Văn Dũng dok ndom lac, meng mbang pakacah anak tal, Mintri pato megru brei hu dom jalan ngak bahrau piah niêm phong kadha pakacah  tự luận gam trắc nghiệm piah patrun patakik di abih bruk tiêu cực. Meyah mintri salih bahrau jalan palih ruah, pabak dom jalan ngak bahrau khik caga bruk hacih saat, cambaih laih ye mbang pakacah hu siam Tagok  

Min, meng 16 thun ngak bruk dalam gah tuyển sinh, ong Nguyễn Quốc Cường, Phó ban Đào tạo, Kapul pato megru bruk ngak  ban raya HCM brei mboh bruk biak pandik hatai anak dom thông tin tiêu cực ka bruk pakacah rah tabiak jiak di ni . Tui  ong Cường, ni lac bruk mboh dahlau di  dom urang abih hatai song pato megru cảnh báo meng di tuk mintri pato megru kuhria peih pakacah Trung học phổ thông pakat negar. Yaom lac rilo  chuyên gia tuk nan  hu phản ứng khang ka bruk jao  quyền peih

song chấm thi ka dom tỉnh, ban. Min, dom panuac nan hu caik langiu tanye. meng dom  tiêu cực dak harei dak trak yau urak ni  , ong Nguyễn Quốc Cường ndom lac  njauk tal tuk klaak pakacah Trung học phổ thông pakat negar

 “ngan song bruk pakacah Trung học phổ thông pakat negar  bo anek saih tốt nghiệp yaok thun hu jiak 100% yau urak ni ye tui hulin bruk peih pakacah lac biak khat, oh njauk ngak saong oh hu chất lượng. Tui hulin , ngan song dom anek saih bac bloh danak dak  trung học phổ thông, ye khol drei njauk brei harak  chứng nhận bac tamat  trung học phổ thông ka dom adei , dok bruk peih pakacah tame  đại học ye jao  quyền mai ka dom sang bac.”.

Jeng hu hatai sahaneng yau nan, Tiến sĩ Nguyễn Đức Nghĩa, dahlau deih ngak Phó Giám đốc Đại học quốc gia ban raya HCM ndom lac, bruk pakacah  pakat negar  bo tốt nghiệp yau urak ni lac oh njauk hu. Mintri pato megru meda jao ka  sở pato megru dom  tỉnh, ban,  atau lac dom sang bac  trung học phổ thông peih bruk pakacah  tốt nghiệp atau palih ruah tốt nghiệp ka  thí sinh dalam tỉnh, ban di drei. Yau nan , gah adat hukum  nyu njauk song  hukum pato megru  saong daok patak patom hu biak rilo jien padai. Bruk peih pakacah meyah hu jeng lac peih pakacah palih ruah di dom sang bac đại học. Daok meyah jia hu , dom sang bac đại học meda iek tui bruk tamat  trung học phổ thông di thí sinh piah palih ruah h  habar khik hu chất lượng tame bac. Tiến sĩ Nguyễn Đức Nghĩa Daok brei thau lac:

         “Meyah dom sang bac  đại học caong palih ruah dom  thí sinh tui njauk bruk pato pakai di drei ye sang bac meda eng drei peih pakaca. Min oh lac dom sang bac jeng peih ngak, bo njauk caik ka dom sang bac hu pren khang peih bruk pakacah, tabiak đề thi song chấm thi, dom sang bac karei pambuak bruk peih ngak piah tapa nan palih ruah  thí sinh.”.

        Tui rilo chuyên gia, bruk klaak meneing dom bruk labaih dalam pakacah meda patak patom hu rilo jien padai, pataom tame mbang pakacah hu tantu cambaih laih ka bruk tong yaom bruk bac da-a di  thí sinh. Dalam tuk công nghệ thông  tin tagok khang yau urak ni , bruk peih pakacah  palih ruah  tame đại học oh njauk pataom tame yau dahlau deih. Meng dom bruk di mbang pakacah   “3 haong gauk” song mbang pakacah  Trung học phổ thông pakat negar, rilo urang ndom lac, dom sang bac meda ngak siam bruk ni piah palih ruah hu dom  thí sinh njauk song sang bac  đại học. Bruk ni dok hu Đại học quốc gia  Hà Nội, Đại học quốc gia ban raya  HCM, sang bac  Đại học Luật ban raya HCM atau sang bac  Đại học FPT peih ngak biak siam./.