Pathau mik va song tong abih gauk!

Roya Eidil Fittry dok ieu lac  Roya Haji lac sa dalam dom harei roya prong di mik va urang Chăm tui agama Islam,  rah tabiak di harei 10 bilan 12 (Hijrah), thun ini laik tame harei 21 bilan 8 thun 2018 saka ia harei. Roya Haji hu maong lac roya tame thun bahrau di urang Cam Islam. Urak ni khol drei duah thau ka harei Roya Haji ni di mik va urang  Chăm Islam dok di ban raya  HCM tapa kadha vak di  Thúy Linh, urang vak di rayo sap ndom VN dok di ban raya HCM:

Roya Haji  rah tabiak dalam 3 harei  meng harei 21 tal harei  23/8, ngan song rilo adat cambat biak siam, biak mekre. Harei akaok mereip di harei  Roya, dom urang  Chăm Islam nao tal sang megik piah samen raya. Hadei di tuk samen bloh, urang nao rivang sirah gauk, maaf ka gauk, tadhau ayuh ka gauk hu siam mekre, salamat. 

Uan harei roya, mik va  Chăm Islam bhian ngak dom janih har meng kan di bangsa yau Ha-kling, Sây kada, Nam keng…, song oh kurang hu cà ri limo. Saai  Marigiah daok di  phường Cầu Kho, Quận 1,TPHCM brei thau:

 “Dom harei ni drei oh pablei salih hagait …

Dalam dom harei Roya Haji, hu bruk sik ngak limo kurban. Tui hukum Islam, urang Chăm Islam sik drei limo bloh parabha ralo metah ka dom sang Cam kan kandah piah mbang roya. Bruk ni brei mboh hatai ranam gauk, klah rabha kan kandah haong gauk dalam bhap bini urang Chăm Islam di ban raya  HCM, rik dong paglong hatai jum pataom gauk, anit ranam gauk dalam bhap bini. 

        Sang amuk AmiNah daok di  Phường 17, quận Phú Nhuận , thun ni ngak mbang hu, rai duik ginup meda jang. Roya Haji ini, sang muk blei drei limo yaom 15 triệu đồng mai ngak kurban, sik ralo parabha brei ka mikva bui sambai mbang roya.. Amuk  AmiNah cong khin lac tapa bruk ngak ni di sang drei hu ba bui sambai mai ka mik va kan kathaot dalam harei roya, saong tapa nan nyu kak kajap jang talei jum pataom dalam bhap bini  

    Harei roya ngak Qurban biak siam

Quận Phú Nhuận lac sa dalam dom labik hu rilo urang Chăm dok di  ban raya HCM. Dom thun tapa , urang  Chăm di ban raya HCM diukrai jum pataom gauk, anit ranam, gauk, daong ba gauk. Ong Yousop – Naif sang megik Islam di  Phú Nhuận brei thau

Sang hulin thun nib lei sa drei limo

Urang Chăm di ban raya HCM urak ni hu labaih 7 ribau urang. Dom thun tapa, bhap bini urang Chăm di ban raya HCM biak thau jum pataom, anit ranam gauk. Roya Haji di urang  Chăm lac "Roya anit ranam”, kayua lac tuk roya ini, thei  jeng mboh hu anit ranam, hu bhap bini daong klah rabha dom kan kandah, caong dom siam mekre di abih hu nao tal yaok boh sang song bhap bini dom bangsa  adei saai./.

Thúy Linh/VOV TPHCM