Pathau mik va song tong abih !

           Dalam hukum Islam, iek prong amaik ame lac bruk wajip dang ka 2 dalam 10 paka hu Quar’an tacei tabiak. Dalam Qua'ran hu labik tacei  lac: " Meyah urang halei daok siam, ndom puac bingi pang haong amaik ame ye hu Allah brei rilo berkat, rohmat.  Daok urang halei ngak ka amaik ame oh sambai, ngak ka amaik ame mboh duh hatai ye Allah ngak azap .... Hadei di ni, daa mik va song tong abih gauk pang kadha vak di urang vak di rayo sap ndom VN hu angan“Anek sroleh dalam bhap bini Chăm Islam”:  

Tui  ong Tuôn Musa – Naif sang megik  Ar war phường 1, quận 8 ban raya  Hồ Chí Minh,  anek sroleh hu tacei brei thau dalam hukum Islam song hu urang  Chăm Islam ban raya Hồ Chí Minh khik ramik meng dom saman ini mai . Anek sroleh lac bruk prong dang ka 2 hadei di bruk samen yaok harei di urang Islam. Dalam Qua'ran Allah tacei lac, ngak anek brei iek praong amaik ame, oh ngak brei amaik ame duh hatai. Tuk amaik ame taha, urang ngak anek njauk iek glang, duh lisei ia ka amaik ame,yau ye tuk drei daok sit, amaik ame rambah rambup raong pato drei

Dalam harei - Roya Haji, bruk iek praong amaik ame, abih di nyu nan lac ngan saong urang amaik di urang Cam Islam dak mboh cambaih jang. Urang Chăm Islam sahaneng lac, Amaik glaih glar ndung anek dalam tian 9 bilan 10 harei bloh ndih tapui anek tabiak, rambah rambup raong pato anek mbiah tal praong jeng menuac jeng urang. Dalam dom thun bilan daok sit hu amaik raong pato nan, drei oh klah ngak ka amaik duh hatai. Yaok thun, tuk bilan Roya Haji mai, dom urang ngak anek, yaom lac nao ngak mbang atah jeng kham merat mai sang piah taom gaok amaik ame. Urang halei patuah daok amaik ye dang anak amaik, pok 2 gah takai tagok chum rilo mbang gam saong panuac likau ma-ah, ma-ah. ..Dok urang oh daok amaik, ye harei roya nan, nao sirah kubo amaik, pok likau ka amaik hu siam mekre dalam kubur. Ông Tuôn Musa brei thau:

Iek prong iek glong amaik ame lac bruk siam

Adei Mohamat Hali ndih tapui tabiak dalam sa boh sang  Chăm kan kathaot di  huyện Củ Chi, kayua sang kan kandah nan ye  tuk umo 10 thun, adei hu payau nao dok sang gauk gar di  phường 1, quận 8 piah bac hukum  song bac akhar haroh. Yaom lac thun ini, adei Hali bahrau 15 thun, min tuk halei jeng mboh dalam hatai lac, ngak anek brei thau ka amaik ame. Roya Haji, adei nao Củ Chi  rivang amaik ame saong piah likau ma-ah amaik ame. Adei Mohamat Hali jia lac, hadei di likau ma-ah bloh, abih gauk dalam sang dak mboh anit ranam gauk jang.  Adei Hali lac

Adei bhian pablei pandap panda ka ame amaik

Bruk iek praong saong mai likau ma-ah amaik ame di harei roya lac bruk biak siam, biak gheih. Tapa nan nyu brei mboh jalan diukrai siam mekre di anek menuac./.