Phạm Nguyễn Hải Âu – sinh viên tal bac Truyền thông song  mạng máy tính K39, sang bac Đại học Cần Thơ, palei daok di Hậu Giang lac sa dalam dom Patuk bilan 1. Hải Âu  song 2 sinh viên karei hu rilo urang thau tal meng bruk roh duah ilamu dong ka urang sup meta. Thun 2015, đề tài “Roh duah ngak tabiak thiết bị dong ka urang sup meta puac tapuk meng công nghệ nhận dạng thaot binguk” kayua Phạm Nguyễn Hải Âu dang akaok nyaom ngak, hu brei angan xuất sắc. Thun  2016, Hải Âu song  nyaom  patagok  đề tài ngan song kadha “Salih bahrau  thiết bị dong ka urang sup meta puac harak tapuk  meng jalan tự động sửa lỗi chính tả song  Text-To-Speech ngan song sap puac tự nhiên”. Danak dak ba tabiak  jamriak VReader hu tame top 20 sản phẩm xuất sắc abih di Giải thưởng “Urang naih gheih  palei negar  Việt”. Jamriak hu jao giải phát triển cộng đồng  di Holcim Prize 2016 song hu dom urang sup meta tong yaom biak glong. Hội đồng dom  giải thưởng ndom lac: dalam tuk dom doanh nghiệp prong sản xuất máy trợ thính  meda ba dom sản phẩm dreih yau nan hu yaom tal jiak 80 triệu đồng ye VReader di nyaom sinh viên Hải Âu lagaih jang rilo, phun jien ngak sa baoh labaih 7 triệu đồng, meyah ngak rilo ye yaom dok beir jang. Labik oh ka lagaih njauk pasiam veik nan lac xử lý ngôn ngữ tự nhiên, angan karei song  ngữ điệu piah ka nyu siam. Meyah thành công dalam ứng dụng thực tế ye kein laba xã hội meng danak dak ba mai lac biak prong.  Ayhut Phạm Nguyễn Hải Âu brei thau

Khol adei sahaneng tabiak  jalan pandar camera piah thaot binguk song  thaot nan salih tapa harak văn bản song salih harak văn bản nan tapa sap nyai. Urang sup meta dreih yau hu sa urang puac brei pang. Khol adei tui iek  di dom pasak song hu urang sup metata, urang jakar dom pasak pok meyaom. Gah sang bac biak pachreih dong khol adei dalam bruk dong jien peih ngak đề tài, dong hội đồng cố vấn. Jeng hu bruk pachreih dong biak rilo di dom cei gru, anai gru, ayhut sahabah, gauk gar, dom adei saai mboh khol adei ba abih hatung hatai ka đề tài ni, nan ye abih drei dong ka khol adei.

2 Patuk bilan 1 karei karei di dom sang bac di Cần Thơ  hu jao giải mbang ni lac  Trần Văn Quang – tal bac Văn học 8A, sang bac  Đại học Tây Đô song Đoàn Mỹ Ngọc – tal bac Hệ thống thông tin K1, đại học Kỹ thuật – Công nghệ Cần Thơ jeng lac dom thủ lĩnh dam dara naih gheih rilo thun gam di sang bac. .

Ayhut  Đoàn Mỹ Ngọc hu labaih 3 thun gam lac hạt nhân di yaok phong trào pakacah gauk dalam sang bac. Ngan song Mỹ Ngọc ye jalan ba sinh viên tal dom bruk ngak pahla daong ka bhap bini lac bruk siam di abih: 

Tuk  hu mbaok tame dom bruk ngak di đoàn hu dong kol adei khang hatai jang, hu ilamu piah langyah bruk, daong ka dom adei khang hatai jang tuk yam tame jalan padang mbang ngui. Adei mboh lac njauk peih ngak dom danak dak thực tế ye dom adei mboh takre jang, yau hu mbaok tame dom dom bruk main di mblang bein atau bruk ngak XH, dui pachreih hu rilo ayhut jang

Abih di nyu  nan lac , ayhut Trần Văn Quang, palei daok di tỉnh Bạc Liêu, kham merat duah jalan ngak bahrau piah dam dara hu labik tagok  kỹ năng mềm, pambuak song bhap bini paglong akaok sahaneng, bruk ngak ngan song palei negar. Dalam rilo bruk ngak kayua Quang ba tabiak song kham merat pambuak song Đoàn sang bac  Đại học Tây Đô peih ngak jak jeng, hu danak dak  nghệ thuật “Cội nguồn hình thành sân khấu cải lương Nam bộ” bahrau di ni, hu dane angan song hu Ban Giám hiệu sang bac tong yaom biak glong. Kayua lac Kalup kapul Văn nghệ di sa sang bac Đại học di ban Cần Thơ, min Đoàn trường pambuak hu  song Ủy ban bhap bini tỉnh Bạc Liêu, đoàn cải lương Cao Văn Lầu, cải lương chi bảo - NSND  Bạch Tuyết song dom angan je di rilo rai karei di gauk dalam gah sân khấu cải lương piah peih ngak sa mbang taom gaok, parang iek, duah thau ka janih nghệ thuật di gah merong negar ni. Danak dak hu mbaok di rilo SV oh ka bhian mboh dalam 10 thun padang ngak sang bac song tui kuhria meda peih ngak jeng dom mbang pakacah nghệ thuật di SV dalam tuk vak anak tal.  Ayhut Trần Văn Quang brei thau: Tapa rilo bruk salih bahrau yau nan, bruk di kapul dam dara di sang bac hu khang tagok, chreih chrai tagok biak rilo, pabak ilamu ka sinh viên jeng hu kein lagaih. Ayhut Quang ndom lac:

Meng bruk di sang bac, adei jeng hu dom panuac likau urang pan akaok thành đoàn  tacei ba dalam jang, di pakat Đảng ủy, Ban giám hiệu sang bac brei sangka, dong palagaih gah jien padai, gah peih ngak, , abih di nyu nan lac dom ayhut brei sahneng duah rilo jang,  hu mbaok rilo jang. Khol drei oh tui mô típ halei, njauk iek tui bruk, khol drei mboh bruk ba drei tame di taneh ia ye, dom ayut jeng brei ba drei tame. Bruk ngak di đoàn, hội dak harei dak rilo jang, cambaih laih jang, jiak song SV , tui hatai cong khin di SV piah peih ngak ye dom ayhut brei hu mbaok tame rilo jang,  kayua dom ayhut  mboh hu thaot binguk di drei tapa dom bruk ngak nan.

14 mbaok meta ilamu ranaih umo naih gheih bhum taneran krong CL mek hu giải thưởng Patuk bilan 1 thun bac 2016 – 2017 jeng dok kham merat bac megru, ba abih pren yava di drei, pasram megru piah jeng dom urang siam merke di abih dong padang taneh ia, palei negar dak harei dak kaya meda. Meng kham merat ngak di dom urang nan dalam bruk pakacah gauk di anek saih, SV, yaok ribau patuk hadah karei dok yam takai nao tui, piah hadah tanyak dalam tuk vak anak tal, njauk song angan lac rai rah dam dara VN saman bahrau./.